byalah

Byalah ဗျာလ Every race, every religion has his own mythical symbolizes, statues for a long time ago. The Rakhine (Arakan) also has his own mythical creature that is unknown not only in the world but also other religions in Myanmar. It can be found in ancient pagodas and other archeological buildings as ancient treasures. That mythical antelope has remained with Rakhine dynasty for a long time. The Rakhine (Arakan) called it “Byalah” . It is only one creature but made up of powerful nine animals’ parts. They are – * 1. Trunk of an elephants * 2. Eyes of a deer * 3. Horn of a rhinoceros * 4. Tongue of a parrot * 5. Body of the carp * 6. Tail of a peacock * 7. Ears of a horse * 8. Fangs of a tiger * 9. Paws of a lion It takes the powerful, strong components of the nine animals. The tongue of the parrot refers to articulation. The tail of the peacock means the beauty, the ears of the horse for good sense of hearing, the eyes of the deer are for sharpness of the sight and the horn of the rhinoceros ,the fangs of the tiger, paws of a lion and trunk of an elephant are for great strength. The Rakhine believed that “Byalah” makes them strong and healthy and can avoid the disaster .It can firstly be found in religionist-building in Vesila age. There will be other different styles of “Byalah” in early of Vesila age. Byalah, the ancient creature of the Rakhine (Arakan) is placed to at the ancient pagoda , temple and famous building as a nine powerful guardian.

ဗျာလ

န၀ရူပ 'ဗျာလ'

ကမ္ဘာဦးကတည်းက လူမျိုးတိုင်း ဘာသာတိုင်း၌ ၄င်းတို့၏ ဒဏ္ဍာရီ ဆန်သော အထိမ်းအမှတ် သင်္ကေတ ရုပ်ထုများ ရှိခဲ့ကြသည်။ အလာတူပင် ရခိုင် လူမျိုး၌လည်း ဒဏ္ဍာရီဆန်သော အထိမ်းအမှတ် သင်္ကေတ ရုပ်ထု တစ်ခုရှိသည်။ သို့ရာတွင် ယင်းရုပ်ထုကို ကမ္ဘာကပင် မဆိုထားနှင့် မြန်မာနိုင်ငံ၌ပင် လူအတော်များများ မသိရှိ ကြသေးပေ။ ၄င်းတို့ကို ရှေးဟောင်း စေတီပုထိုးများ၏ ကျောက်ဆစ်လက်ရာများတွင် ပုံသဏ္ဍာန် အမျိုးမျိုးရှိသော ရှေးဟောင်းလက်ရာ အမွေအနှစ်အဖြစ် တွေ့ရှိနိုင်ပါသည်။ ယင်း သတ္တ၀ါကို ရခိုင် လူမျိုးတို့က “ဗျာလ” ဟုခေါ်ဆို ခဲ့ကြသည်။ အဆိုပါ သတ္တ၀ါ မှာရခိုင် လူမျိုးတို့၏ ရှေးရိုး စဉ်ဆက် တစ်လျှောက် ရှိခဲ့သော ဒဏ္ဍာရီဆန်သော သတ္တ၀ါဖြစ်သည်။

ယင်း ‘ဗျာလ’ ကို သတ္တ၀ါ ကိုးမျိုး၏ ကောင်းမြတ်သော ခွန်အား စွမ်းအင် ရှိသော သတ္တ၀ါတို့၏ အစိတ် အပိုင်းများနှင့် ပေါင်းစပ် ထားသည်။ယင်းသို့ သတ္တ၀ါ ကိုးမျိုး၏ အစိတ် အပိုင်းများနှင့် ပေါင်းစပ် ထားခြင်းကြောင့် ‘န၀ ရူပ ဗျာလ’ ဟုလည်းခေါ်သည်။ အဆိုပါ ‘န၀ ရူပ ဗျာလ’ ရုပ်တွင် ပါရှိသည့် သတ္တ၀ါ ကိုးမျိုး၏ အစိတ်အပိုင်း များမှာ -

* ၁. ဆင်နှာမောင်း
* ၂. သမင်မျက်လုံး
* ၃. ကြံ့ချို
* ၄. ကြက်တူရွေးလျှာ
* ၅. ငါးကြင်းကွက်
* ၆. ဒေါင်းအမြီး
* ၇. မြင်းနားရွက်
* ၈. ကျားအစွယ်
* ၉. ခြင်္သေ့လက်ဝါး တို့ဖြစ်သည်။

ထိုကဲ့သို့ ထူးခြားသော စွမ်းအင်ရှိသည့် အစိတ်အပိုင်းများကို တစ်ကောင်တည်း ဖြစ်အောင် ပေါင်းစပ် ထားခြင်းမှာလည်း ဗျာလ သတ္တ၀ါ ၏ ထူးခြားမှုကို ရည်ညွှန်းထားသည့် အဓိပ္ပါယ် ဖြစ်သည်။ ဗျာလတွင် ပါရှိသည့် အစိတ်အပိုင်းများ အနက် ကြက်တူရွေးလျှာသည် စကား ပရိယာယ် ကြွယ်ဝခြင်းကို လည်းကောင်း ၊ ဒေါင်းအမြီးသည် လှပ တင့်တယ် ခြင်းကို လည်းကောင်း ၊ မြင်း နားရွက်သည် အကြား အာရုံ ထက်မြက်ခြင်း ကိုလည်းကောင်း ၊ သမင်မျက်လုံး သည် အမြင်အာရုံ စူးရှခြင်းကို လည်းကောင်း ၊ငါး၏ ကိုယ်ထည်သည် လျင်မြန် ဖျတ်လတ်ခြင်းကို လည်းကောင်း ၊ ကြံ့ချို ၊ ကျားစွယ် ၊ခြင်္သေ့ လက်ဝါး ၊ ဆင်နှာမောင်း သည် စွမ်းအင် ကြီးမားခြင်းတို့ကို လည်းကောင်း အသီးသီး ကိုယ်စားပြုပါသည်။

အဆိုပါ သတ္တ၀ါ ကိုးမျိုး တို့၏ အစိတ်အပိုင်းဖြင့် တန်ဆာ ဆင်အပ်သော သတ္တ၀ါအား ထားရှိ ခြင်းဖြင့် “အဗျာလော- ဘေးဥပါဒ်ကို မဖြစ်စေတတ်ဘဲ ၊ လာဘော - လာဘ်လာဘကိုသာ ဖြစ်စေတတ်၏“ ဟု ရခိုင်လူမျိုးတို့ ယုံကြည်ထားကြသည်။

ဗျာလကို ရခိုင် ဝေသာလီခေတ် သာသနိက အဆောက်အအုံ များတွင် စတင်တွေ့ ရှိရသည်။ ယင်းထက် ရှေးကျသော ရုပ်ထုများလည်း ရှိကောင်း ရှိနိုင်ပါသေးသည်။ မင်္ဂလာ အခမ်းအနားများ ၌ သုံးစွဲသော အသုံး အဆောင် ပစ္စည်းများတွင် အနည်းငယ် တွေ့ရှိရပါသည်။ ရခိုင်လူမျိုး တို့၏ ရှေးဟောင်း အထိမ်းအမှတ် တခုဖြစ်သော ‘န၀ ရူပ ဗျာလ’ ကို ကျောင်းကန် ၊စေတီ ပုထိုးများတွင် လည်းကောင်း ၊ ထင်ရှားသော အဆောက် အဦး များတွင် လည်ကောင်း စွမ်းအင် ကိုးမျိုး ပေါင်းစု ထားသော အစောင့် အရှောက် သတ္တ၀ါ အဖြစ် ထားလေ့ရှိပါသည်။

မဟာမုနိ

မျိုးရိုးအဆက်ဆက် ကိုးကွယ်လာခဲ့သော မဟာမုနိ

Friday, 06 November 2009 

ဂေါတမဗုဒ္ဓ သက်တော်ထင်ရှားရှိစဉ် စစ်မှန်သော ဗုဒ၏ကိုယ်ပွားသာလျှင် ဖြစ်တန်ရာ၏ဟု ရခိုင်လူမျိုးများ အယုံအကြည်ရှိသော မဟာမုနိရုပ်ရှင်တော်မြတ်ကြီးသည် ရခိုင်လူမျိုးတို့သမိုင်း မှတ်တမ်းအားလုံး၏ ကိုးကားချက်ဖြစ်သည်။ ထိုသမိုင်းမှတ်တမ်းများသည် ထေရ၀ါဒဗုဒ္ဓဘာသာရှိခဲ့ပြီးနောက် မျက်မှောက်ထုံးတမ်းစဉ်များကို ထည့်သွင်းထားရှိသည်။ သီရိလင်္ကာ၏ ပါဠိစာပေမှ ကျယ်ကျယ်ပြန့်ပြန့် ဆင်းသက်ကြီးထွားလာမှုရှိပြီး ပုဂံ၏ လွှမ်းမိုးမှုအောက်မှာ ကိုးကွယ်မှု ဘာသာအယူဝါဒအဆင့်ဆင့်ထိ ကျယ်ပြန့်လာပါသည်။

စန္ဒသူရိယ ဘုရင်မင်းမြတ် ရခိုင်ပြည်ကို အုပ်ချုပ်ခဲ့သည်အချိန်အခါက ဗုဒ္ဓရုပ်ထုတော်ကို သွန်းလုပ်သည်ဟု ရိုးရာဓလေ့ ထုံးတမ်းစဉ်လာယုံကြည်မှု ထားရှိကြသည်။ စန္ဒသူရိယဘုရင်မင်းမြတ်သည် ဗုဒ္ဓ၏ ဟောကြားပြသမှုတို့၏ သတင်းကို ကြားသိရပြီး ဗုဒ္ဓကိုရိုသေကိုးကွယ်ရန် ဆန္ဒပြင်းပြလာသည်ဟု အဆိုရှိလေသည်။ အိန္ဒိယနိုင်ငံ သာဝတ္ထိပြည်တွင် သီတင်းသုံးနေထိုင်တော်မူသော ဂေါတမဗုဒ္ဓသည် ထိုအကြောင်းအရာကို သိရှိလာသောကြောင့် ဗုဒ္ဓက သူ၏သာဝက အာနန္ဒာအား ပြောပြလေသည်မှာ “ကြောက်မက်ဖွယ်ကောင်းသော ရေနဂါးများ အုပ်ချုပ်ထားသော ကြီးမားကျယ်ပြန့်သော မြစ်ပင်လယ်သမုဒ္ဒရာကို ဖြတ်ကျော်လာရမည်ဖြစ်၍ ဤကဲ့သို့သော ခက်ခဲကြမ်းတမ်းသောခရီးသည် စန္ဒသူရိယဘုရင်မင်းမြတ်အတွက် အလွန်အန္တရာယ်ရှိလိမ့်မည်။ ထို့ကြောင့် တပည့်ရဟန္တာ (၅၀၀) နှင့်အတူ ဂေါတမဗုဒ္ဓသည် ကောင်းကင်ခရီးဖြင့် ကြွရောက်လာပြီး ကျောက်တော်မြို့၏ တဖက်ကမ်းရှိ မောရပဗ္ဗတတောင်၌ ဆင်းသက်ရပ်နားတော်မူခဲ့လေသည်။ ဤတွင် ဗုဒ္ဓ၏ ရှေးရှေးဘ၀ပေါင်းများစွာက ကျင်လည်တော်မူခဲ့သောနေရာတို့တွင် ဗုဒ္ဓ၏ ဓါတ်တော်များကို ဌာပနာထည့်၍ ဘုရားပုထိုးများစွာတို့ကို တိုင်းပြည်အနှံ့ တည်ထားကိုးကွယ်လာကြလိမ့်မည်ဟု ကြိုတင်ဟောကိန်းထုတ် ဗျာဒိတ်တော်ပေးလေသည်။ဤကဲ့သို့ဗုဒ္ဓ၏ ဗျာဒိတ်ပေးချိန်တွင် မဟာပထ၀ီမြေကြီးသည် တုန်လှုပ်ပြီး ပင်လယ်သမုဒ္ဒရာတို့သည် ရေနွေးအိုးဆူသကဲ့သို့ ဆူပွက်လေသည်။ စန္ဒသူရိယဘုရင်မင်းမြတ်သည် ဤနိမိတ်ဆောင်သော လက္ခဏာများ၏ ဆိုလိုရင်းကို သူ၏ဗေဒင်ဆရာ၊ ဟူးရားတတ်တို့အား မေးမြန်းစုံစမ်းလျှက် တုန်လှုပ်ထိတ်လန့်ရခြင်းဖြစ်လေသည်။ ဂေါတမဗုဒ္ဓ ရခိုင်ပြည်ကို ရောက်ရှိလာသည့်အကြောင်းကို ဘုရင်မင်းမြတ်သိရှိတော်မူသောအခါ ရာပေါင်းများစွာသော အခြွေအရံတို့နှင့်အတူ သူ၏မိဖုရားခေါင်ကြီး စန္ဒရမာလာ၊ သူ၏မှုးမတ် တိုင်းသူပြည်သားတို့နှင့်အတူ ပဗ္ဗတတောင်ပေါ်သို့ သွားရောက်ကြလေသည်။ ဘုရင်မင်းမြတ်သည် ဂေါတမဗုဒ္ဓအား အရိုအသေပေးပြီးနောက် ဗုဒ္ဓက သူ့အား ပဋိစ္စသမုပ္ပါဒ်စက်ဝိုင်းတရားတော်ကို ဟောကြားသင်ပြခဲ့လေသည်။ ယင်းပြီးနောက် မြို့တော်တွင်(၇) ရက်ကြာ သီတင်းသုံးနေထိုင်မူမည်ကို ဗုဒ္ဓကသဘောတူလက်ခံလေသည်။ မြို့တော်မှ ဗုဒ္ဓမထွက်ခွာမှီ ဗုဒ္ဓပရိနိဗ္ဗာန် ပြုတော်မူပြီးနောက် နှစ်ပေါင်း (၅၀၀၀)တိုင်တိုင် ကြည်ရိုလေးစားမှုခံရမည်ဖြစ်သော ဆံတော်ဓါတ်နှင့် ဗုဒ္ဓ၏ရုပ်ထုကိုယ်ပွားတော်တစ်ဆူထားခဲ့မည်ဟု ဗုဒ္ဓသဘောတူလက်ခံလေသည်။

နန်းတော်ရာ၏ အရှေ့မြောက်ဘက် သီရိဂုတ္တတောင်ကုန်းပေါ်တွင် အလေးအမြတ်ထားရှိသော ဗုဒ္ဓရုပ်ထုတော်ကို ကောင်းကင်ဘုံ ဗိသုကာပညာရှင် နတ်များ၏ဘုရင် သိကြားမင်းနှင့်အတူ စန္ဒသူရိယဘုရင်မင်းမြတ်အပါအ၀င် တိုင်းသူပြည်သားတို့က တည်ထားကိုးကွယ်ကြလေသည်။ ရုပ်ထုတော်အတွင်းပိုင်သို့ ဂေါတမဗုဒ္ဓ၏ ရင်ငွေ့တော်ဓါတ်ထည့်လိုက်သောအခါ ဂေါတမဗုဒ္ဓနှစ်ဆူရှိလာသကဲ့သို့ ဖြစ်ပေါ်လာလေသည်။ အံ့သြကြည်ညိုစရာကောင်းလှသော လက္ခဏာရပ်များ ပေါ်ထွက်လာလေသည်။ မဟာပထ၀ီမြေကြီး တုန်လှုပ်လာပြီး ရုပ်ထုတော်သည် တဖြည်းဖြည်း အသက်ရှိသကဲ့သို့ သူ၏ နောင်တော် ဂေါတမဗုဒ္ဓအား ကြိုဆိုသည့်အနေအထားနှင့် မတ်တပ်ထရပ်လေသည်။ ထို့နောက် ဂေါတမဗုဒ္ဓသည် သူ၏သာဝက ဗုဒ္ဓရဟန်းတော်များနှင့်အတူ သံတွဲဘက်သို့ ကောင်းကင်ခရီးဖြင့် ကြွသွားလေသည်။ ယင်းအချိန်အတွင်း ဘုရင် စန္ဒသူရိယမင်းမြတ်သည် သူ၏ မူးမတ်သေနာပတိတို့နှင့်အတူ အကြောင်းကိစ္စတို့ကို တိုင်ပင်ပြီးနောက် ဗုဒ္ဓ၏စစ်မှန်သော ရုပ်ထုတော်အား ကိုးကွယ်ဆည်းကပ်ပြီး ပွဲလမ်းသဘင်များ ကျင်းပလေသည်။ ရုပ်ထုတော်၏ ထူးခြားချက်များမှာ ရောင်ခြည်တော်ခြောက်သွယ် ထွက်ရှိလေသည်။ ရိုသေကိုင်းရှိုင်းသူများမှာ အနီးကပ်ဖူးမျှော်လာသောအခါ ရောင်ခြည်တော်များ ထွက်ရှိပြီး အယုံအကြည်မရှိသူများ ဖူးမျှော်သောအခါ ရောင်ခြည်တော်များ မှေးမှိန်သွားလေ့ရှိသည်ဟု အဆိုရှိလေသည်။ ရုပ်ထုတော်တည်ရှိသော နေရာ၏ပတ်ဝန်းကျင် အရပ်လေးမျက်နှာတို့တွင် အစောင့်အရှောက်အဖြစ် ကျောက်ရုပ်ထုများထားရှိပြီး မကောင်းသော အကြံအစည်ရည်ရွယ်ချက်တို့နှင့် ဗုဒ္ဓရုပ်ပွားတော်အနီးသို့ လာရောက်သူတို့အား အဝေးသို့ ရှောင်ရှားသွားစေသည်။

ဝေသာလီခေတ်မှ ပထမဘုရင်တိုင်အောင် ဗုဒ္ဓရုပ်ထုတော်အတွက် ကျောက်ပလ္လင်တစ်ခုတည်ဆောက်ပြီး သိမ်တော်ကို ပြန်လည်တည်ဆောက်သည်ဟု အဆိုမှတပါး အခြားမည်သည့်အကြောင်းအရာကိုမှ မှတ်တမ်းတင်ထားခြင်း မရှိခဲ့ပေ။ ဝေသာလီမှ ပထမဆုံးဘုရင်၏ အရိုက်အရာကို ဆက်ခံသူသည် မဟာမုနိသိမ်တော်အား ပြန်လည်မွမ်းမံပြင်ဆင်မှု ပြုလုပ်လေသည်။ သီရိလင်္ကာနှင့် ပုဂံမှ ဘုန်းတော်ကြီးများသည် ရုပ်ထုတော်အားကိုးကွယ်ဆည်းကမ်ရန် ရောက်ရှိလာခဲ့ကြသည်။ ပျူ-ဗမာနှင့် မွန်ဘုရင်များက မဟာမုနိ သိမ်တော်ကြီးအတွင်း အလေးအမြတ်ထားသော ဗုဒ္ဓရုပ်ထုတော်အား ပိုင်ဆိုင်လိုသော ရည်ရွယ်ချက်များနှင့် ရခိုင်ပြည်ကိုကျူးကျော်ဝင်ရောက်လာခဲ့ကြသည်ဟု အဆိုရှိလေသည်။ သို့သော်လည်း မည်သည့်ဘုရင်တစ်ပါးမှ အောင်မြင်မှု မရှိခဲ့ပေ။ တချို့သည် သိမ်တော်ကြီးအား ပြန်လည်ပြုပြင် မွမ်းမံရန် ကတိက၀တ်ပြုကြလေသည်။ (၁၂) ရာစုအချိန်တွင် သိမ်တော်နှင့် ဗုဒ္ဓရုပ်ထုတော် ပျောက်ဆုံးလေသည်။ သို့သော်လည်း လေးမြို့ခေတ်မှ ဘုရင်တပါး၏ အရိုက်အရာဆက်ခံသူများသည် ယုံကြည်မှုကို ဆက်လက်ထောက်ခံခြင်းဖြင့် ရုပ်ထုတော်နှင့် သိမ်တော်ကြီးတို့ကို ပြန်လည်ရှာဖွေတွေ့ရှိပြီး သိမ်တော်အား ပြန်လည်တောက်ဆောက်ခဲ့ကြလေသည်။

မြောက်ဦးမင်းဆက်ကို တည်ထောင်သူ ဘုရင်မင်းစောမွန်သည် သူ၏မြို့တော်မှ မဟာမုနိသို့ လမ်းတခုဖောက်လုပ်တည်ဆောက်ပြီး မင်းမျိုးမင်းနွယ်တို့၏ ရိုးရာထုံးတမ်းစဉ်လာ ဘုရားဖူးခရီးတစ်ခုစတင်ခဲ့လေသည်။ (၁၆) ရာစုတွင် ဘုရင်းမင်းဗာသည် မြောက်ဦးမြို့မှ သျှစ်သောင်းဘုရားအပါအ၀င် တိုင်းပြည်အနှံ့တွင် တည်ရှိနေသော ဘုရားကျောင်းအဆောက်အဦး အများအပြားတို့အတွင်း မူရင်းနှင့် ဆင်တူဖြစ်သော မရေမတွက်နိုင်သည့် မဟာမုနိရုပ်ပွားတော်များကို ထုလုပ်ထားရှိရန် အမိန့်တော်ချမှတ်ခဲ့လေသည်။

၁၇၈၄-ခု တွင် မြန်မာဘုရင် ဘိုးတောင်ဘုရားသည် ရခိုင်ပြည်ကို သိမ်းပိုက်လေသည်။ ထို့နောက် မဟာမုနိရုပ်ရှင်တော်မြတ်အား မန္တလေးသို့ သယ်ယူသွားခဲ့သည်။ ထိုရုပ်ရှင်တော်မြတ်ကြီးအား မြန်မာပြည်တွင် ယနေ့ထိတိုင် အလေးမြတ်ဆုံးထားသော ရုပ်ထုတော်အဖြစ် ဆက်လက်မှတ်ယူထားကြဆဲဖြစ်သည်။ ဆုံးရှုံးသွားသော အမွေအနှစ်ကြောင့် ရခိုင်ပြည်သူတို့အား နက်နက်နဲနဲ စိတ်ထိခိုက်စေခဲ့သည်။ ဆက်လက်ပြီး မကြာမီ ဗြိတိသျှတို့၏ အုပ်ချုပ်မှုကို ရခိုင်ပြည်သူတို့ ဆက်လက်ခံရလေသည်။ (၁၈၆၇) ခုနှစ်တွင် မဟာမုနိသိမ်တော်ရာ အနီးပတ်ဝန်းကျင်မှ တွေ့ရှိသော ကျောက်ရုပ်ထုတော်တစ်ဆူအတွက် ဘုရားသိမ်တော်ကိုတည်ဆောက်ခဲ့ကြသည်။

လွန်ခဲ့သော နှစ်(၈၀)အတွင်းက နဂိုမူရင်းအတိုင်း သိမ်တော်ကြီးကို ပြန်လည်ပြင်ဆင်မွမ်းမံမှုတို့ကို လုပ်ဆောင်ခဲ့သည်။ ယင်းအချိန်တွင် အောက်ရင်ပြင်များကို ပြန်လည်ထိမ်းသိမ်းပေးပြီး မန္တလေး၌ရှိသော မူရင်းမဟာမုနိ ထိုင်တော်မူပုံစံ ကြေးရုပ်ထုတော်အသစ်တစ်ဆူကို သွန်းလုပ်ခဲ့ကြသည်။ ယနေ့အခါမှာ မဟာမုနိဘုရားသိမ်တော်နေရာသည် ပြည်တွင်း၊ ပြည်ပ ဘုရားဖူးတို့၏ အရေးကြီးသော ဗဟိုအချက်အချာ တစ်ခုအဖြစ် ပြန်လည်စည်ကားလာပါသည်။

မဟာမုနိသိမ်တော်သည် နန်းတော်ရာကုန်း၏ အရှေ့မြောက်ထောင့်၌ရှိသော တောင်ပူစာတစ်ခုကို လွှမ်းခြုံပြုလုပ်ထားသော နေရာတစ်ခုဖြစ်သည်။ ရှေးနှစ်ပေါင်း ရာစုများစွာကပင် မဟာမုနိဘုရားသိမ်တော်တွင် ဘုရားဖူးခရီးသည်များ စည်ကားသိုက်မြိုက်နေသော ဗဟိုအချက်အချာလည်းဖြစ်ပြီး ကျူးကျော်ဝင်ရောက်သူများ လက်အောက် ရခိုင်ပြည်ကျရောက်ပြီး ရခိုင်ပြည်သူပြည်သားများ ဆင်းရဲဒုက္ခခံစားခဲ့ရလေသောအခါ ယာယီအားဖြင့် ဘုရားဖူးခရီးသည်များ နည်းပါးမှုရှိခဲ့လေသည်။ မူရင်းအဆောက်အဦး၏အကြွင်းအကျန် လုံးဝမရှိခဲ့သော်လည်း ယင်း၏ မူရင်းပုံစံတစ်ခုဖြစ်သည်ကို ကောင်းကင်ဓါတ်ပုံများတွင် တွေ့မြင်နိုင်သည်။ ဘုရားသိမ်တော်ကို ထောင့်မှန်စတုဂံနံရံနှစ်ဆင့်က ၀ိုင်းရံထားရှိပြီး သိမ်တော်၏အရှေ့ဘက် အနောက်ဘက်တောင်ဘက်နှင့် မြောက်ဘက်တို့တွင် ၀င်ပေါက်လေးပေါက် ဖောက်ထားပြီး အရှေ့ဘက်ဝင်ပေါက်ကိုအဓိက ၀င်ပေါက်အဖြစ် ထားရှိသည်။ ပထမဆုံး ရင်ပြင်၏ အရှေ့တောင်ထောင့်နှင့် အရှေ့မြောက်ထောင့်တို့တွင် ဗုဒရုပ်ထုတော်ကြီးအား ရိုးရာဓလေ့ထုံးတမ်းစဉ်လာအရ ကိုယ်လက်သန့်စင်ရန်အတွက် အသုံးပြုရန် ရေကန်ကြီးနှစ်ခု ထားရှိပါသည်။ အိန္ဒိယအရှေ့မြောက်ပိုင်း နာလန္ဒ၌ရှိသော ထင်ရှားကျော်ကြားသော ဗုဒ္ဓဘာသာဝင်ဘုန်းတော်ကြီးများ စုဝေးနေထိုင်သော နေရာတစ်ခုဖြစ်ပြီး ရှေး (၆) ရာစုမှပင် အဆင့်ဆင့်ပြောင်းလဲ တိုးတက်လာသော အဓိက ဂူဘုရားကျောင်းတော်တွင် ယခင်မူရင်းနည်းတူ အနီးစပ်ဆုံး ပုံစံဖြစ်သော ဘုရားကျောင်းဆောင်ကို တွေ့ရှိနိုင်လေသည်။

 

PAMELAS GUTMAN ၏ THE MAHAMUNIul;.lxm;ygonfဘာသာပြန်ဆိုပါသည်။

 

ဘယ်သူကပညာရှိလဲ

သီတဂူ ဆရာတော်နှင့် ဆရာကြီး ဦးဦးသာထွန်းတို့ အမေးအဖြေ စကားပွဲ

Friday, 14 August 2009 09:58    by အောင်နိုင်

၁၄ ၊ သြဂုတ် ၊ ၂၀၀၉ (ကွယ်လွန်ခြင်း ၁၉ နှစ်မြောက် အထိမ်းအမှတ်နေ့)

၁၉၈၄ ခုနှစ်ဒီဇင်ဘာ (၂၆) ရက်နေ့တွင် ဗမာပြည် သဲကုန်း သပိတ်အိုင် တောရဆရာတော် အရှင် အရှင်ညာဏိဿရ အမှူးပြုသော ဆရာတော်ကြီး (၄)ပါးသည် မြောက်ဦးသို့ ဘုရားဖူးရောက်ရှိကြပါသည်။ ထိုစဉ် ရခိုင်ပြည် သာသနာရေးကိစ္စနှင့် ရခိုင်-မြန်မာ ပဏ္ဍိတ်ဆရာကြီး ဦးဦးသာထွန်းအား မေးခွန်းကြီး (၆) ခွန်း မေးခဲ့ပါသည်။

 ယင်းသို့ ဆရာတော် ဦးညာဏိဿရ( ယခုသာသနာ့ ဥသျှောင် ပီနန်ဆရာတော် (၀ါ) သီတဂူဆရာတော်ကြီး) အမေးနှင့် ဆရာကြီး၏ အပြည့်အစုံ ဖြေကြားချက်များကို ပြန်လည်၍ ဆရာကြီးက အသံသွင်းပေးခဲ့သည်။ ဆရာကြီးသည် ရခိုင်စကားဖြင့် အသံသွင်းခဲ့သည်ကို မြန်မာပြည်ရှိတိုင်းရင်းသားများအားလုံး ဖတ်ရှုနိုင်ရန်အတွက် မြန်မာစကားပြေဖြင့် ပြန်လည်၍ ရေးသားတင်ပြလိုက်ရခြင်းဖြစ်သည်။

    ဆရာတော် ဦးညာဏိဿရ၏ မေးခွန်းကြီး (၆) ခွန်း

မေးခွန်း (၁)

          ရခိုင်ပြည် သာသနာသည် ထေရ၀ါဒ ဗုဒ္ဓသာသနာမှ ဆင်းသက်လာသော သာသနာမဟုတ်၊ မဟာယာန ဂိုဏ်းမှ ဆင်းသက်လာသော သာသနာဖြစ်သည်။

ဤအကြောင်းကို ဖြေရှင်းပေးပါ။

မေးခွန်း (၂)

          ဗုဒ္ဓ၏ ပါဠိတော် အဋ္ဌကထာနှင့် သင်္ဂါယနာ ခြောက်တန်စသည်တို့တွင် မပါရှိပဲ ရခိုင်ပြည်သို့ မြတ်စွာဘုရား ကြွရောက်လာခဲ့သည်ဟု ရခိုင်ပြည်တွင် ရေးသားပြောဆိုနေကြသည်မှာ ဘုရားဟောတရားတော်နှင့် မကိုက်ညီပါ။

ဤအကြောင်းကို ဖြေရှင်းပေးပါ။

မေးခွန်း (၃)

ဗုဒ္ဓ၏ပါဠိတော် အဋ္ဌကထာစသည်တို့၌ မပါရှိပဲ မြတ်စွာဘုရားသည် စန္ဒသူရိယမင်းကြီးနှင့် တွေ့ဆုံပြီး မဟာမြတ်မုနိဘုရားကို သွန်းလုပ်ခဲ့သည် ဟုရေးသားပြောဆိုကြသည်။

ဤအကြောင်းကို ဖြေရှင်းပေးပါ။

မေးခွန်း (၄)

သင်္ဂါယနာ ခြောက်တန်သာ ကမ္ဘာက အတည်ပြုထားသည်။ ရခိုင်ပြည်တွင် သင်္ဂါယနာတင်ခဲ့သည်ဟု ရေးသားပြောဆိုနေကြသည်။ ဤသို့ပြောဆိုနေကြခြင်းသည်လည်း မဟာအမှားဖြစ်သည်။

ဤအကြောင်းကိုလည်း ဖြေရှင်းပေးပါ။

မေးခွန်း (၅)

   ရခိုင်ပြည်ရှိ ဓါတ်တော်များကို ကျောရိုးတော်ဓါတ်၊ ဦးရာဇ်တော်ဓါတ်၊ လည်ရိုးတော်ဓါတ်စသည်ဖြင့် အမျိုးမျိုး အမည်ပေးထားကြသည်။ ဤအကြောင်းကိုလည်း ပါဠိတော် အဋ္ဌကထာစသည်တို့တွင် မတွေ့ရ၍ ဖြေရှင်းပေးပါ။

မေးခွန်း (၆)

ရခိုင်ပြည်တွင် အသုံးပြုသော ပိဋကတ် ပါဠိတော်များမှာ မြန်မာမူဖြစ်သလော၊ မည်သည့်မူ ဖြစ်သနည်း။ သင်္ဂါယနာ ခြောက်တန်တွင် ပါသောမူဖြစ်သလော ဖြေရှင်းပေးပါ။

ကတိနှစ်ခု တောင်းခံခြင်း

   အရှင်ဘုရား တပည့်တော်အား မေးထားသော မေးခွန်းများကို လွယ်ကူစွာ ဖြေရှင်းနိုင်သည်။ သို့သော် အရှင်ဘုရားက တပည့်တော်အား ကတိနှစ်ခု ပေးရပါမည်။ သို့မှသာ တပည့်တော်ဖြေကြားနိုင်ပါမည်။ ကတိများကို မယူဆိုပါလျှင် တပည့်တော် တခွန်းမျှ ပြန်မဖြေပါ… ဘုရား။

   ဆရာတော်က “မည်ကဲ့သို့ ကတိများပါသနည်း” ဟု မေးသောအခါ ပထမကတိမှာ “ တပည့်တော်ပြောသော စကားများကို တစ်လုံးမျှ မယုံပါဘူး ဆိုသော ကတိပါ။ အဘယ်ကြောင့် ဤကတိမျိုးကို တောင်းရပါသလဲကို ဥပမာပြုပါမည်။ မြတ်စွာဘုရားသခင်သည် “ကေသမုတ္တိ” သုတ္တန်ကို ကာလမပုဏ္ဏားရွာ၌ သံသယကင်းရှင်းရန်အတွက် ဟောကြားခဲ့ပါသည်။ ဆရာ၊ မိဘ အစရှိသောသူများ အစဉ်အဆက်မပြတ်ပြောသောစကားများကို မယုံပါနှင့်၊ ငါဘုရား ဟောသည်ဟူ၍လည်း မယုံပါနှင့်၊ စာအုပ်ကြီး၌ ပါရှိသည်ဟူ၍လည်း မယုံပါနှင့် အစရှိသည်ဖြင့် ဟောကြားခဲ့ပါသည်။ ငါဘုရား ဟောသည်ဟူ၍လည်း မယုံပါနှင့်ဆိုလျှင် အဘယ်ကို ယုံရပါမည်နည်း ဟုမေးစရာရှိလာပါသည်။

   ဘုရားရှင်က ကျိုးကြောင်း စပ်မှယုံ၊ ကြောင်းကျိုးစပ်မှ ယုံ ဟုဟောကြားခဲ့ပါသည်။ ကျိုးကြောင်း၊ ကြောင်းကျိုးစပ်၍ မှန်ကန်သောစကားမှာ ဘုရားစကားသာဖြစ်ပါသည်။ ဘုရား၏စကားသည် မှားသည်ဟူ၍ မရှိပါ။ ထို့ကြောင့် တပည့်တော်ပြောသော စကားများကိုလည်း ဤဥပမာ၌ရှိသော ယုတ္တိ သုံးပါးနှင့်တကွ ဘုရားရှင်သည် နောက်ဆုံးပရိနိဗ္ဗာန်မစံမှီ သုဘန္ဒရဟန်း ကြီးအား ဟောထားသည့်အတိုင်း မဟာပဒေသတရားတော် လေးပါးနှင့် ပြည်စုံပါလျှင် ယုံပါဆိုသော ကတိကို ခံစေချင်၍ ပြောကြားခြင်း ဖြစ်ပါသည်။ ထို့ကြောင့် တပည့်တော်ပြောသော စကားရပ်ဤအင်္ဂါရပ်နှင့် ပြည့်စုံမှသာ ယုံပါ။ မပြည့်စုံပါက မယုံပါနှင့် ဟုဆိုလိုခြင်းဖြစ်ပါသည်..ဘုရား။ သို့မဟုတ်ပါက တပည့်တော်မှာ အကျိုးမဖြစ်ဘဲ အပြစ်သာဖြစ်ပါသည်။

   အဘယ့်ကြောင့်ဆိုသော် တပည့်တော်သည် ဘုရားမဟုတ်သောကြောင့်ပါ… ဘုရား။ ဗုဒ္ဓစကားသည် တခွန်းတည်းနှင့် မှန်ကန်ပါသည်။ တပည့်တော်သည် ပုထုဇဉ်ဖြစ်သောကြောင့် အမှားရှိပါမည်။ ယင်းအမှားကို ထောက်ပြလျှင် တပည့်တော် ၀မ်းသာပါမည်။ ထို့ကြောင့် အရှင်ဘုရားသည် တပည့်တော်ပြောသော စကားများကို ယုတ္တိသုံးပါးနှင့် မကိုက်ညီလျှင် မဟာပဒေသတရားနှင့် မကိုက်ညီလျှင် အရှင်ဘုရားထပ်၍ မေးခွန်းထုတ်ပါ။ တပည့်တော် စကားကို ထပ်၍ မေးခွန်းမထုတ်လျှင် တပည့်တော်ပြောသော စကားကို အရှင်ဘုရားလက်ခံယုံကြည်ပြီး မှန်ကန်သည်ဟု မှတ်ယူရပါမည်.. ဘုရား။ ဤကတိကို အရှင်ဘုရားတို့ထံမှ ရယူပါမည်။ ထိုအခါ စစ်ကိုင်းဆရာတော်ကြီးက ဆရာတော်ဦးညာဏိဿရအား ကတိခံယူရန်ပြောပါသည်။

  ဒုတိယကတိမှာ ဤနေရာ၌ မပြောအပ်သော စကားဖြစ်ပါသည်။ အရှင်ဘုရားက ပြောသာပြောပါ ကိစ္စမရှိပါဟု ဆိုလျှင် တပည့်တော် ပြောပါမည်။ ဆရာတော်ကြီးများက ပြောပါဟုဆိုသဖြင့် ဆရာကြီးကထက်၍ ပြောပါသည်။ ရခိုင်ပြည်သည် ကိုလိုနီစနစ်နှင့် အုပ်ချုပ်ပြီး ကျွန်သက်ရှည်လာခဲ့သည်မှာ နှစ်ပေါင်း (၂၀၀) ရှိပါပြီ… အရှင်ဘုရား။ 

   နှစ်ပေါင်း (၂၀၀) အတွင်း ပြည်ထောင်စု တိုင်းရင်းသားများ မြန်မာပြည်လွတ်လပ်ရေး တောင်းဆိုကြသောအခါ ရခိုင်လူမျိုးများလည်း ပါဝင်ခဲ့သည်။ လွတ်လပ်ရေးရသည့်အချိန်တွင် ရခိုင်လူမျိုးများလည်း ပြည်နယ်တောင်းခဲ့ကြပါသည်။ သို့သော် ရခိုင်ကို ပြည်နယ်မပေးခဲ့ပါ။ ဤစကားများကို မပြောအပ်ဘဲနှင့် ပြောနေရပါသည်။ ရှမ်း၊ ကချင်၊ ကရင်တို့က ပြည်နယ်ရပြီး ရခိုင်ကပြည်နယ်မရရှိခြင်းသည် စာအားဖြင့်သော်လည်းကောင်း၊ အခြေအနေအားဖြင့်သောလည်းကောင်း ရခိုင်ပြည်သည် အလွန်သေးငယ်သောကြောင့်လော၊ အလွန်နိမ့်ကျသောကြောင့်လော ပေးလည်းမပေးအပ်ဟု အထင်မှား အမြင်မှား ဖြစ်ကြရပါသည်။ မဆလ အစိုးရတက်လာသောအခါ ရခိုင်ပြည်ကို ပြည်နယ်ပေးအပ်ခဲ့ပါသည်။ သို့သော် တိုင်းနှင့်ပြည်နယ် (၁၄)ခုတွင် မဖွံ့ဖြိုး၊ မတိုးတက်ဆုံး ဖြစ်နေပါသည်။

  အရှင်ဘုရား ယခုထိုင်နေရာနေရာမှ အနောက်သို့ နောက်ပြန်ကြည့်လိုက်ပါ။ ရှစ်သောင်းဘုရားကြီးရှိပါသည်။ ကျောက်တုံးကြီးများဖြင့် လိုဏ်အထပ်ထပ်တည်ထားပါသည်။ ထိုဘုရား၏ နောက်မှာ ထုက္ကန်သိမ်ဘုရား၊ ရတာနပုံဘုရားနှင့် အံတော်သိမ်များကို မြင်တွေ့ရပါလိမ့်မည်။ ယခုအချိန်ကဲ့သို့ မဖွံ့ဖြိုးသေးဘဲ သေးငယ်နေသောအချိန်အခါတွင် တည်ထားခဲ့သော အဆောက်အအုံများ မဟုတ်ပါ။

   ဤကဲ့ကြီးကျယ်သော အဆောက်အအုံမျိုးကို သာမန်ဘုရင်များ မတည်နိုင်ပါ။ နန်းတော်ကုန်းကို တည်ဆောက်ထားသော ကျောက်တုံးများကိုလည်း အရှင်ဘုရားမြင်ပြီး ဖြစ်ပါသည်။ ယင်းကြောင်း ဤအဆောက်အဦးများကို တည်ဆောက်ခဲ့သော အချိန်သည် ရခိုင်၌ ကိုယ့်မင်း ကိုယ့်ချင်း၊ ကိုယ့်ထီး ကိုယ့်နန်းနှင့် ကိုယ့်ဘာသာ သာသနာနှင့် ကြီးပွားထွန်းကားနေသော အချိန်ဖြစ်နေသည်ကို အရှင်ဘုရားစိတ်မှာ မှတ်ထားရပါလိမ့်မည်။ သို့မှသာ တပည့်တော်ပြောသောစကားများကို သဘောပေါက်နားလည်ပါလိမ့်မည်။

  ထို့ကြောင့် ရခိုင်တို့သည် ရှေးအခါက ခမ်းနားကြီးကျယ်ခဲ့သည်ကို စိတ်ထဲ၌ မှတ်ထားရန် ကတိကို ခံယူပါဘုရား။ ဆရာတော်များက ဒုတိယကတိကိုလည်း ခံယူကြောင်း ပြောပါသည်။

   ဆရာကြီး ဦးဦးသာထွန်း၏ ပြန်လည်ဖြေကြားချက်

ရခိုင်ပြည်သည် သူတပါးလက်အောက်ကျရောက်သည့် ရခိုင်သက္ကရာဇ် (၁၁၄၆) ခုနှစ် (ခရစ်သက္ကရာဇ်- ၁၇၈၄ ခုနှစ်) မှစ၍ သာသနာညိုးနွမ်းခဲ့သည်မှာ ယနေ့တိုင်ဖြစ်သည်။ သာသနာရေးဆိုင်ရာ စာအုပ်တစ်အုပ်မျှ မထွက်ခဲ့ပါ။ ထိုခေတ်မှစပြီး စာပေ၀ါသနာ အလွန်ပါသူများသည် ပေစာများကို တဆင့်ကူးယူပြီး စာမူတစ်ခုကို ငါးစောင်၊ ဆယ်စောင် စသည်ဖြင့် ပွားခဲ့ကြရပါသည်။ စာပုံနှိပ်ခေတ် ရောက်သောအခါ ဟောင်းနွမ်းနေသော စာပေများကို လည်း ထပ်မကူး၊ ပုံနှိပ်စာအုပ်ကလည်း မထွက်နိုင် သည့်အတွက်ကြောင့် အဟောင်း အဟောင်းဖြစ်သော စာပေများလည်း ကွယ်ပြီး အသစ်အသစ်ဖြစ်သော စာပေများလည်း မထွက်သည့်အတွက်ကြောင့် ရခိုင်စာပေကွယ်ပျောက်လုမတတ် ဖြစ်ခဲ့ပါသည် ဘုရား။

 သို့သော် ရခိုင် အမျိုးသား သမိုင်းသုတေသီများက ရခိုင်တို့၏ သာသနာရေး၊ ဘာသာရေးစာပေများကို သုတေသန လုပ်နည်း (၂) မျိုးရှိပါသည် ဘုရား။ တမျိုးမှာ ၀ိဇ္ဖာနည်းဖြစ်၍ အခြားတနည်းမှာ သိပ္ပံနည်းဖြစ်ပါသည် ဘုရား။ သိပ္ပံနည်းမှာ ငွေကုန်များ၍ မတတ်နိုင်ပါ။ ၀ိဇ္ဖာနည်းဖြင့် သုတေသန လုပ်ခဲ့ရပါသည်။ တပည့်တော်တို့၏ ရခိုင်တွင် ရခိုင်စကား “မဆမခြေရာကောက်နည်း ( မုဆိုးမ ခြေရာကောက်နည်း)” ဟု ခေါ်ပါသည်။ ဤနည်းဖြင့် သုတေသနရှာဖွေရပါသည် ဘုရား။ ဤနည်းဖြင့် တပည့်နော်တို့ရှာလိုက်သောအခါ ရခိုင်သမိုင်းတွင် မြောက်ဦးမြို့သည် နောက်ဆုံးမြို့ ဖြစ်ပါသည်။ ယခုအရှင်ဘုရားတို့ မြင်နေရသော ဘုရားစေတီများမှာ မြောက်ဦးခေတ် မင်းစောမွန် လက်ထက်ကစပြီး တည်ထားခဲ့သော ဘုရားစေတီများ ဖြစ်ပါသည်။ ဤသာသနာသည် မြောက်ဦးခေတ်တွင် စတင်ခဲ့သလော ( သို့မဟုတ်) မည်သည့်ခေတ်ကပင် စခဲ့သည်ကို သိရှိရန်အတွက် နောက်ကို တလှမ်းဆုတ်ကြည့် ပါသည်။ ထိုမြောက်ဦးခေတ် မတိုင်မှီ လောင်းကြက်ရှိခဲ့ကြောင်း သိရပါသည်။ ထို့ကြောင့် မြောက်ဦးခေတ်သည် လောင်းကြက်ခေတ်မှ ဆင်းသက်လာကြောင်း သိရပါသည် ဘုရား။ လောင်းကြက်သာသနာကို ကြည့်လိုက်သောအခါ ထိုခေတ်တလျှော်ကလုံး ကျောက်ဆင်းတုဘုရား၊ ကျောက်စာများကို လောင်းကြက်ခေတ် အက္ခရာများ၊ သက္ကရာဇ်များဖြင့် အတိအကျ တွေ့ရပါသည် ဘုရား။

ရက္ခ၀ဏ္ဏအက္ခရာ

လေးမြို့ခေတ် သည် မည်သည့်ခေတ်မှ ဆင်းသက်လာသနည်း ဆိုသည်ကို နောက်သို့ တလှမ်းဆုတ်လိုက်သောအခါ ဝေသာလီခေတ်ကို တွေ့ရပါသည်။ ဝေသာလီခေတ်ကို ရောက်သောအခါ ရခိုင်စာပေအရးအသားမှာ အက္ခရာများ ပြောင်းလဲလာပုံကို တွေ့ရှိရပါသည်။ လေးမြို့ခေတ်အစပိုင်းမှာ ဝေသာလီခေတ်က ရွေ့လျားလာသော ရက္ခ၀ဏ္ဏအက္ခရာဟု ခေါ်သော ရခိုင်အက္ခရာနှင့် အသုံးပြု ရေးသားခဲ့သည်။ ရခိုင်တို့၏ လေသံ။ လေယူလေသိမ်းများဖြင့် ရေးထားသဖြင့် ရက္ခ၀ဏ္ဏအက္ခရာ ဟု ခေါ်ပါသည်။ ဝေသာလီခေတ်အစပိုင်းတွင် ဗြဟ္မီပွားအက္ခရာနှင့်ပင် ဝေသာလီခေတ်တွင် ဘာသာရပ်အနေဖြင့် ဘုရားတရားစာကို သက္ကတဘာသာဖြင့်ရေးပြီး အက္ခရာစာပေကို ရက္ခ၀ဏ္ဏအက္ခရာဖြင့် ရေးသားစ အချိန်လည်း ဖြစ်သည်။ ထိုအချိန်က သက္ကတဘာသာသည် ကမ္ဘာတွင် အင်္ဂလိပ်စာပေ လွှမ်းမိုးနေသကဲ့သို့ လွှမ်းမိုးနေသည့် အချိန်ဖြစ်ပါသည်။ ထို့ကြောင့် သက္ကတဘာသာဖြင့် ရခိုင်သမိုင်းကို ရေးထိုးထားခဲ့သည်ကို တွေ့ရှိရပါသည်။ ထိုကဲ့သို့ ရေးထိုးထားသော ကျောက်စာ အမြောက်အမြားရှိပါသည်။

ဝေသာလီခေတ်မှ နောက်သို့ တလှမ်းဆုတ်ကြည့်လိုက်သောအခါ ဓည၀တီခေတ် ကို ရောက်ရှိပါသည်ဘုရား။ ယင်းဓည၀တီခေတ်တွင်လည်း အသုံးပြုသောစ စာပေများရှိကြောင်းကိုလည်း တွေ့ရပါသည်။ ဤကဲ့သို့ မဆမခြေရာကောက်နည်းဖြင့် လေ့လာရာ ဓည၀တီခေတ်အား သိပ္ပံနည်းအားဖြင့် သမိုင်းမှတ်တိုင်နှင့် သမိုင်းရုပ်ကြွှုင်းဖြစ်သော ကျောက်စာနှင့် ကျောက်ရုပ်ထုများကိုလည်း အထင်အရှား တွေ့ရပါသည်။ ထိုသမိုင်းရုပ်ကြွင်းများမှာ အစစ်အမှန်များ ဖြစ်နေပါသည်။ တပည့်တော်တို့ ပိဋကတ်စာပေမှာ ပုံနှပ်စာအုပ်လည်း မရှိ။ ပေစာ၊ ပုရရိုက်စာများလည်း ကွယ်ပျောက်နေသောကြောင့် ထိုသမိုင်းရုပ်ကြွင်းများမှာယ မကွယ်မပျော်က လက်တွေ့ မြင်နိုင်တွေ့နိုင် သော အရာများ ဖြစ်နေ၍ ပစ်ပယ်၍ မရကောင်းပါ ဘုရား။ ဤ အပိုင်းကို ထပ်၍ ရှင်းပြပါအုန်းမည်။

တောင်ပေါက်ကြီး ကျောက်စာ

မြောက်ဦးခေတ်ကစပြီး ဓည၀တီခေတ်တိုင်အောင် သာသနာတော် ဆင်းသက်လာပုံကို ခြေရာကောက်ယူသည့်နည်းနှင့် သုတေသနပြုလိုက်သော အခါ သာသနာသည် ဓည၀တီခေတ်တွင် ဆုံးနေပါသည်ဘုရား။ ဓည၀တီခေတ်တွင် “နမောတဿ” ဂါထာတော်ပါရှိသည့် ဗြဟ္မီအက္ခရာနှင့် ရေးထိုးထာခဲ့သော တောင်ပေါက်ကြီးကျောက်စာ ရှိခဲ့ပါသည်။ ယင်းစာကို ရေးထိုးထားသောအက္ခရာစာလုံးများကို ကြည့်လိုက်လျှင် ဘီစီ(၃၀၀) ကျော်က အသောကမင်းကြီး ရေးထိုးခဲ့သော ကျောက်စာတွင် ပါရှိသည့် အက္ခရာစာလုံးများနှင့် အတူတူဖြစ်နေသောကြောင့် တစ်ခေတ်တဘည်းတွင် ရေးထိုးထားခဲ့သော ကျောက်စာဖြစ်ကြောင်း လက်ရေးလက်သား လေ့လာသော ပညာရှင်များမှ သုတေသနပြု မှတ်ချက်ချခဲ့ကြပါသည် ဘုရား။ယင်းကြောင့် ရခိုင်ပြည် ဓည၀တီခေတ်တွင် အိန္ဒိယမြောက်ပိုင်းက အသုံးပြုသည့် ဗြဟ္မီအက္ခရာများ ၀င်ရောက်နေပြီဖြစ်ကြောင်း သိရှိရပါသည် ဘုရား။

ဓည၀တီခေတ် တောင်ပေါက်ကြီး ကျောက်စာကို ထပ်၍ ရှင်းလင်းပါဦးမည်။ ယခု နိုင်ငံတော်က ထုတ်ဝေထားးသော မြန်မာ့စွယ်စုံကျမ်းသမိုင်းတွင် အက္ခရာဆင်းလာပုံ၌ မြန်မာအက္ခရာ ဆင်းသက်လာပုံကို ဗြဟ္မီအက္ခရာမှတဆင့် ယခုခေတ်ထိဆင်းသက်ပုံကို ရေးသားထားပါသည်။ မြန်မာအက္ခရာမှာ အိန္ဒိယ တောင်ပိုင်း ပလ္လ၀၊ ကဒမ၊ အလုကျ၊ တိလင်္ကာ ဆိုသော အက္ခရာများမှတဆင့် ဆင်းသက်လာပြီးလျှင် မြန်မာစာဖြစ်လာပါသည်။ ဆရာကြီး ဦးသာမြတ် ရေးသားသောစာအုပ်တွင် ဗြဟ္မီ၊ မာဂဓ၊ ပုတ္တ၊ ကြန္ဒ၊ ပလ္လ၀၊ ကဓမ ကနေပြီး ရာမညတိုင်းသို့ ဆင်းသက်လာကြောင်း ရေးသားထားပါသည်။ တပည့်တော်တို့ ရခိုင်ဘက်မှာ ဓည၀တီခေတ်၌ ဗြဟ္မီအက္ခရာ အသုံးပြုခဲ့ကြောင်း တွေ့ရှိရပါသည်။ သို့သော် ရာစုနှစ် တစ်ခေတ်ပြီး တစ်ခေတ် လက်ရေးပြောင်းလာသည့်အတွက် အက္ခရာပြောင်းလဲပုံမှာလည်း ပြောင်းလဲမှုရှိပါသည် ဘုရား။ ယင်းကြောင့် ဝေသာလီခေတ်တွင် ဗြဟ္မီ အက္ခရာမှ ဆင့်ပွားလာသော ဗြဟ္မီအက္ခရာဖြင့် ရေးသားထားသည်ကို တွေ့ရပါသည်။ ဓည၀တီခေတ်တွင် ကျမ်းဦးဂါထာတော်အဖြစ်ဖြင့် “နမောတဿ” ဂါထာတော်ကို ဗြဟ္မီ အက္ခရာဖြင့် ပါကျပါဠိ အသံထွက်အတိုင်းဖြစ်ပါသည်ဘုရား။

ရခိုင်ပိဋကတ်ကို ဆက်ရန်

စာပေအကြောင်းကို ခဏရပ်ထားပြီး ရခိုင်ပိဋကတ်အကြောင်းကို ဆက်ပြောပါမည် ဘုရား။ ဆရာတော်တို့သည် ပိဋကတ်တော်ကို ကျွမ်းကျင်သောပုဂ္ဂိုလ်များ ဖြစ်သည့်အတွက် ပိဋကတ်ကိစ္စကို ပြောရာတွင် သည်းခံပြီး နားထောင်ပါဘုရား။ ဗုဒ္ဓဘာသာဝင်တိုင်း သိရှိကြသည့်အတုငိ်း သာဝတ္ထိမြို့က ဥပတိဿနှင့်ကောလိတညီနောင် နှစ်ဦးသည် နက္ခသဘင်ကို ကြည့်ရှုနေစဉ် ပွဲကြည့်ပရိသတ်များကို ကြည့်ပြီး သည်လူများသည် နောက်နှစ်ပေါင်း တစ်ရာအတွင်းမှာ အားလုံးသေပျောက်ကြလိမ့်မည်။ ငါတို့လည်းသေရလိမ့်မည်။ ယင်းကြောင့် မသေသော တရားကို ရှာဖွေရန်အတွက် ရွာမှထွက်သွားကြပါသည်။ ထိုကဲ့သို့ တရားရှာဖွေကြသောအခါ သိဉ္ဇည်းပရိဗိုဇ်ထံ အတတ်ပညာများ သင်ကြားကြသောအခါ အားလုံးတတ်သိကြလေသည်။ သိဉ္ဇည်းပရိဗိုဇ်က သင်စရာကုန်ပြီဟု ပြောသဖြင့် ဆရာရှာရန် ထွက်ကြပြန်သည်။

  ထိုကဲ့သို့ ခရီးဆက်လာကြသောအခါ ရာဇဂြိုလ်မြို့သို့ ရောက်ရှိခဲ့ကြပါသည်။ ထိုစဉ်ဆွမ်းခံကြွလာသော အရှင် အဿဇိမထေရ်ကို မြင်တွေ့ခဲ့ပါသည်။ ထိုအရှင်မြတ်၏ သာမဏေအိနြေ္ဒကို ကြည်ညိုသဖြင့် ငါ့ရှင်၏ဆရာက မည်သူဖြစ်သနည်း၊ အဘယ်တရားကို ဟောကြားပါသနည်း၊ အကျွန်ုပ်တို့အား တခွန်းမျှလောက်ဟောကြားပါ လော့ဟု အစရှိသည်ဖြင့် မေးလျှောက်ခဲ့ပါသည်။ အရှင်အဿဇိမထေရ်က အကျွန်ုပ်ဆရာသည် ဘုရားသခင်ဖြစ်ပါသည်။ အကျွန်ုပ်သည် ရဟန်းဖြစ်သညမှာ မကြာသေးသဖြင့် တရားကောင်းကောင်း မပြောတတ်သေးကြောင်း၊ သို့သော်အကျွန်ုပ်ဆရာသခင် ဟောကြားသောတရားထဲမှ အကျွန်ုပ် မှတ်မိသော တရားဖြစ်သည့် ဤမည်သောဂါထာတော်ကို ဟောကြားပါမည်ဟုဆို၍ တရားဟောခဲ့ပါသည်။ ယင်းဂါထာတော်မှာ ‘ယေဓမ္မာ ဟေတုပ္ပဘ၀ါ တေသံ ဟေတု တထာဂတော အာဟ၊ တေသဉ္စယော နိရောဓေါ၊ ဧ၀ံဝါဒီ မဟာသာမဏော’ ဟု အရှင်အဿဇိမထေရ်က ထိုသူနှစ်ဦးအား ဟောကြားခဲ့ပါသည်။

အဓိပ္ပါယ်မှာ - မြတ်စွာဘုရားသည် ရှေးကပြုဖူးသော အကြောင်းကြောင်းကြောင့် ဖြစ်ပေါ်လာသော အကျိုးတရားတို့ကို ဟောတော်မူ၏။ ထိုအကြောင်းအကျိုးတရား နှစ်ပါးတို့၏ ချုပ်ငြိမ်းရာကိုလည်း ဟောတော်မူ၏ ဟု အဓိပ္ပါယ်ရပါသည် ။ အရှင်ဘုရားတို့ သိရှိတော်မူပါသည့်အတိုင်းပါ ဘုရား။

နောက်ဆုံး ထိုသူနှစ်ဦးသည် မြတ်စွာဘုရားနှင့် တွေ့ရှိပြီင်္း ရဟန္တာ များဖြစ်ကြ၍ ရှင်သာရိပုတ္တရာနှင့် ရှင်မဟာမောဂ္ဂလံ အဖြစ်ထင်ရှားခဲ့ပါသည်။

 ဤတရားမှာ နှမ်းတစ်တောင်းကို ကြိတ်လိုက်သောအခါ ဆီကြည်တစ်ပုလင်း နှစ်ပုလင်း ရရှိသကဲ့သို့၊ ကျောက်စရစ် ငါးတောင်းကို ကြိတ်သော်လည်း ဆီကြည်တပေါက်မျှ မရရှိသကဲ့သို့၊ ပိဋကတ်သုံးပုံကို အဆီထုတ်လိုက်သော အခါ ‘နိဗ္ဗာ’ ဆိုသော တရားတလုံးသာ ရရှိပါသည်။ ယင်းတရား တစ်လုံးကို စိတ်ဖြာလိုက်သောအခါ ‘ ဓမ္မနှင့်ဝိနယ’ ရရှိပါသည်။ နောက်ထပ် စိတ်ဖြာလိုက်ပါလျှင် ‘သစ္စာလေးပါး၊ မဂ္ဂင်ရှစ်ပါး၊ ဗောဓိပက္ခယတရားသုံးဆယ့် ခုနှစ်ပါး’ အစရှိသည်ဖြင့် နောက်ဆုံး ဓမ္မခန္ဓာပေါင်း ရှစ်သောင်းလေးထောင်သည် ပိဋကတ်သုံးပုံ၏ အဆီအနှစ်ဖြစ်ကြောင်းကို ဆရာတော်က တပည့်တော်ထက် သိပါသည်ဘုရား။

 ဤယေဓမ္မာတရားသည် မဟာယာနဂိုဏ်းသားများ အသုံးပြုသော ဂါထာတော်ဖြစ်ပါသလား၊ အရှင်ဘုရား တွေ့ဖူးပါသလား ဟု မေးသောအခါ ဆရာတော်သည် ဖြေကြားခြင်း မရှိဘဲ တိတ်တိတ်နေခဲ့ပါသည်။ ဤယေဓမ္မာ ဂါထာကို မဟာယာနဂိုဏ်းသားများ အသုံးပြုမည် မထင်ပါ။ မဟာယာနဂိုဏ်းသားများ အသုံးပြုသည်ကို တွေ့ဖူးပါသလား ဟု ထပ်၍မေးသောအခါ ဆရာတော်မှာ တိတ်တိတ်နေမြဲ နေခဲ့ပါသည်။ နောက်တစ်ချက်မဟာ ယာနဂိုဏ်း၊ တန္တရာဂိုဏ်း၊ မန္တရာဂိုဏ်းများ ပေါ်ပေါက်လာပါသည်။ ထိုဂိုဏ်းများမှ တဆင့် တပည့်တော်တို့ ရခိုင်ပြည်သို့ မဟာယာနသာသနာ ၀င်ရောက်လာပါသလော ဟု မေးသောအခါ ဆရာတော်မှ တစုံတရာ  ပြောကြားခြင်း မပြုခဲ့ပါ။

  နောက်တချက် အိန္ဒိယတပြည်လုံးကို မဂိုမင်းများ တိုက်ခိုက်သိမ်းယူလိုက်သောအခါ ဗုဒ္ဓဘာသာဝင်များသည် သီရိလင်္ကာနိုင်ငံ၊ တိဘက်နိုင်ငံ၊ ရခိုင်ပြည်၊ မြန်မာပြည်များသို့ ထွက်ပြေးကြသောအခါ မဟာယာနဂိုဏ်းသည် ရခိုင်ပြည်သို့ ၀င်ရောက်ခဲ့ပါသလား အရှင်ဘုရား။ ဆရာတော်က မည်သို့မျှ မပြောကြားခဲ့ပါ။ တိတ်တိတ်နေမြဲနေခဲ့ပါသည်။ သိြု့ဖစ်လျှင် တပည့်တော်တို့ ရခိုင်ပြည် သာသနာသည် မဟာယာနဖြစ်သည်ဟု ဆရာတော် စွပ်စွဲခဲ့သည်မှ မည်သည့်အကြောင်းကြောင့်ဖြစ်ပါသလဲ ဘုရား။ ဆရာတော်လည်း မည်သည့်တစ်ခုမျှ ဖြေကြားနိုင်ခြင်း မရှိခဲ့ပေ။

သူရိယမင်းဆက်၊ စန္ဒြားမင်းဆက်

  ထိုကဲ့သို့ ရခိုင်ပြည် ဓည၀တီတောင်ပေါက်ကြီးကျောက်စာနှင့် အိနဒိယပြည် အာသောကကျောက်စာနှင့် တည်နေပုံကို ထောက်ရှုသောအခါ ဘီစီ (၃) ၇ာစုမှာ ကျောက်စာများကို ရေးထိုးလျှင် ထိုမရောက်မှီ ဘီစီ (၅) ရာစု လောက်တွင် မြတ်စွာဘုရား ပွင့်တော်မူခဲ့ပါသည်။ တပည့်တော်တို့ ခြေရာကောက်နည်းဖြသ့် ထပ်ပြီး ကောက်ယူလျှင် ရခိုင်ပြည်၌ မင်းဆက်နှစ်ဆက်ရှိခဲ့ပါသည်။ ပထမမင်းဆက်မှာ သူရိယမင်းဆက်ဖြစ်ပြီး ဒုတိယမင်းဆက်မှာ စန္ဒြားမင်းဆက်ဖြစ်ပါသည်။ သူရိယမင်းဆက် (၅၅)ဆက်နောက်ပိုင်းတွင် ဒွေင်စန္ဒြားမင်းဆက် ပေါ်လာပါသည်။ စန္ဒြားမင်းဆက်၏ ပထမမင်းဆက်မှာ ရခိုင်သမိုင်းတွင် မဟာသူရိယတိုင်းစန္ဒြား မင်းကြီးဟု ခေါ်ဆိုကြပါသည်။ ရှစ်သောင်းဘုရားကျောက်စာတွင် ဒွေင်စန္ဒြားဟု သက္ကတအက္ခရာဖြင့် ရေးထိုးထားပါသည်။၏

 မဟာတိုင်းစန္ဒြားမင်းထိုးထားသည့် ယင့်ကျောက်စာနောက်ဘက်တွင် စာလေးကြောင်း ပါရှိပါသေးသည်။ ယင်းစာလေးကြောင်းမှ အထက်နှစ်ကြောင်းတွင် ယေဓမ္မာ ဟေတုပ္ပဘ၀ါ ဖြင့် အစပြုရေးသားထားပါသည်။

အဓိပ္ပါယ်ဖော်နိုင်ခဲ့

ထိုစန္ဒြားမင်းဆက် ရေးထိုးခဲ့သော ကျောက်စာမှ မဟာမုနိကုန်း ဒုတိယပစ္စယံအရှေ့မြောက်ဘက်၌ပါရှိပါသည်။ လွန်ခဲ့သော နှစ်ပေါင်းများစွာက အမိုးအကာမရှိဘဲ ပက်လက်လှန်ပြီးလျှင် မိုးထဲ ရေထဲ၌ ရှိနေခဲ့သဖြင့် စာကြောင်းများမှာ ဖတ်မရနိုင်အောင် ပျက်စီးခဲ့ပါသည်။ သို့သော် ကြိုးစား၍ မင်ကူးကူးယူသောအခါ စာလုံးအနည်းသယ်ကို ဖတ်ရြှု့ပီး အဓိပ္ပါယ်ဖော်နိုင်ခဲ့ပါသည်။ ရေးထားသော အက္ခရာစာလုံးမှာ သက္ကတဖြစ်ပြီး ‘မဟာသျှူရိယော သျှန္ဒရော၊ နာမနော သျှဗဒါနေ ပကာရတေ’ ဆိုသော စာကြောင်းပါ ဘုရား။

ပါဠိဘာသာနှင့် ဆိုလျှင် ‘မဟာသူရိယော စန္ဒရော နာမနော သဗ ဒါနော ပကာရတေ’ ဟုရပါသည် ဘုရား။ အဓိပ္ပါယ်က မဟာသူရိယတိုင်း စန္ဒြားမင်းကြီးသည် ဤကုန်တော်၌ ဒါန၀တ္ထုအစုစုကို လှုဒါန်း၍ ပြီးပြည့်စုံပြီဟု ဖြစ်ပါသည်။ ယင်းကြောင့် ဤစာကို ထိုးထားသော ကျောက်စာပါ အရုပ်မှ မဟာစန္ဒြားမင်းကြီး ကုသိုလ်ပြုစိုက်ထူခဲ့သော အရုပ်ဖြစ်ကြောင်း သက်သေထူနေပါသည် ဘုရား။

 ဤစာသည် အေဒီ (၄)ရာစု အစောပိုင်းက စာဖြစ်ပါသည်။ (၄)ရာစု အစပိုင်းမှ နောက်ကို ဆုတ်လိုက်သည့်အခါ သူရိယမင်းဆက်က နောက်မင်းများ၏ မင်းဆက်သက္ကရာဇ်တို့ကို ပေါင်းလိုက်သည့်အခါ ဘီစီ (၅) ရာစုတွင် ဂေါတမ ဗုဒ္ဓနှင့် စန္ဒသူရိယမင်းကြီးသက္ကရာဇ်တို့ တူညီနေသည်ကို တွေ့ရပါသည် ဘုရား။ ထို့ကြောင့် အထက်တွင် လျှောက်ထားခဲ့သည့်အတိုင်း တောင်ပေါက်ကြီး ကျောက်စာနှင့် သိရိဓမ္မသောကမင်းကြီး၏ အိန္ဒိယကျောက်စာတို့ကို တိုက်ကြည့်လိုက်လျှင်လည်း ရေးသားပုံချင်း တူကာ အဓိပ္ပါယ်အားဖြင့်လည်း တူညီနေပါသည်ဘုရား။

ဓည၀တီသို့ဘုရားရှင်ကြွခဲ့၏

  ဓည၀တီအကြောင်းကို ပြန်ဆက်ပါမည်။ ဓည၀တိ၌ ဘီစီ (၃)ရာစုမှာ သူရိယစက္ကမင်း ထီးနန်းစိုးစံလျှက်ရှိပါသည်။ ထိုမင်းကနောက်သို့ ရေတွက်လျှင်ဘီစီ (၅)ရာစုသို့ ရောက်ပါသည်။ ယင်းကြောင့် စန္ဒသူရိယမင်းသည် ဓည၀တီ၌ ဘီစီ(၅) ရာစုတွင် အုပ်ချုပ်ခဲ့ကြောင်း သိရပါသည် ဘုရား။

 ယခုလို ခြေရာကောက်နည်းဖြင့် လိုက်သောအခါ အတိအကျရရှိပါသည် ဘုရား။ ထိုအချိန်၌ အိန္ဒိယတွင် မြတ်စွာဘုရား ပွင့်နေချိန် ဖြစ်ပါသည်.။ ယင်းကြောင့် စန္ဒသူရိယ နန်းစံ၍ နှစ်ပေါင်း (၂၅) နှစ်အကြာတွင် ဗုဒ္ဓရှင်တော်သည် ဓည၀တီသို့ ကြွရောက်ခဲ့ပါသည်ဟု ရခိုင်သမိုင်းအစောင်စောင်တွင် တညီတညွတ်တည်း ဖော်ပြထားပါသည် ဘုရား။ ယင်းကြောင့် ဓည၀တီ၌ စန္ဒသူရိယမင်း အုပ်ချုပ်စဉ်တွင် မြတ်စွာဘုရား ကိုယ်တော်တိုင် ကြွရောက်ခဲ့ခြင်း ဖြစ်ပါသည် ဘုရား။

 မြတ်စွာဘုရား ကြွရောက်လာသောအ ကြောင်းကို ဓည၀တီမြို့၏ အနောက်ဘက် တောင်တန်းကျောက်စာ၌ သူရိယစက္ကမင်းကြီးသည် ဗြဟ္မီအက္ခရာဖြင့် ရေးထိုးထားခဲ့ပါသည်။ တပည့်တော် ငယ်စဉ်က ဆရာကြီးစံရွှေဘုနှင့် အတူ ကူးယူခဲ့ပါသည်။ ထိုကျောက်ဆောင်မှာ မဟာမုနိ ကျောက်တော်လမ်းကို လုပ်သောအခါ တူးဖြိုသဖြင့် ပျက်စီးခဲ့ရပါသည်။ ထိုကျောက်ဆောင်၌ ရေးထိုးထားသည့်စာကိုယခုခေတ်၌ ပါဠိ ဘာသာဖြင့်ဆိုလျှင် ‘နမောတဿ ဘဂ၀တော၊ အဟာရတော ၊ သမ္မာသဗ္ဗုဒ္ဓဿ။ အထခေါ ဘဂ၀ါ ဘိက္ခုသံဃံ ပါသာင်္ဒ အာရုပေတွာ။ ပဉ္စပါသာဒ သတပရိဝုတော ၊ ဓည၀တီရဋ္ဌံ အာကာသမဂ္ဂေန။ စာရိကံ စရမာနော ဓည၀တီ မဟာနဂရဿ ပစ္ဆိမဒိသာ ဘာဂေ။ ကစ္ဆပနဒီယာ ပုရတ္ထိမတိေ၇ သေလာဂိရီ ပဗ္ဗတဗုဒနိ သြရောဟိတွာ ပတိဌာတိ။’ ဖြစ်ပါသည်။

အဓိပ္ပါယ်အတိုကောက်မှာ။  ။ မြတ်စွာဘုရားသည် ကောင်းကင်ခ၇ီးဖြင့် ပြသာဒ်ရှင်ပျံငါးရာနှင့် ကြွရောက်ပြီးလျှင် ဓည၀တီ မြို့၏ အနောက်ဘက်ဖြစ်သော ကစ္ဆပနဒီ ကုလားတန်မြစ်ကြီး၏ အရှေ့ဘက်ကမ်းခြေရှိသော သေလာဂိရီ မောရပဗ္ဗတ အမည်ရှိသော တောင်ထိ၌ ရပ်တန့်တော်မူ၏။ ရပ်တန့်တော်မူပြီးလျှင် မြတ်စွာဘုရားသည် ဗျာဒိတ်တော်ပေးသည်ဟူ၍ ဖြစ်ပါသည်။

 ဤကျောက်စာကို ထောက်ရှုခြင်းအားဖြင့် ရခိုင်ပြည်ကို မြတ်စွာဘုရား ကြွရောက်ခဲ့သည်မှာ ထင်ရှားနေပါသည် ဘုရား။ ယင်းကြောင့် တပည့်တော်တို့မှာ ခြေရာကောက်နည်းဖြင့် နောက်သို့ တလှမ်းစီဆုတ်ပြီး လိုက်သောအခါ ဗုဒ္ဓသာသနာသည် ကွင်းဆက်မပြတ်ဘဲနှင့် ဓည၀တီခေတ်သို ရောက်ရှိပါသည် ဘုရား။

မဟာယာန စကားတစ်လုံးမျှ မတွေ့

မဟာတိုင်းကြီးစန္ဒြားမင်းကြီးသည် သူနန်းတက်စချိန်၌ ဝေသာလီဘုရားကြီးကိုတည်ပြီး ကျောက်စာရေထိုးထားခဲ့ပါသည်။ အက္ခရာစာလုံးမှာ ဗြဟ္မီပွားဖြစ်ပါသည်။ ဤအကြောင်းအရာမှာ “ယေဓမ္မာ ဟေတုပ ဘ၀ါ” ဂါထာတော်  ဖြစ်ပါသည်။ သက္ကတ အသံမထွက်ပဲ ပါဠိသက်သက်ပင် ဖြစ်ပါသည်။ ထိုစာ၏ နောက်ပိုင်း၌ ရေးထိုးထားသော ကျောက်စာများမှာ သက္ကတအသံနှင့် ရေးထိုးထားသည်ကို တွေ့ရပါသည်။ ယဓမ္မာစာလုံးများ၌ ‘မ’ အထက်တွင် ‘ရေဖ’ ခေါ်သော ‘ရ ကောက်’ ကို တင်ထားပါသည်။ ယေဓမ္မာ (ယေဓမ်မာ) လို့ဖတ်ရပါသည်။ ‘ဟေတုပဘ၀ါ’ စာတမ်း၌လည်း `ပ’ စောက်အထက်တွင် ‘ရေဖ’ တင်ထားပါသည်။ ဟေတုပဘ၀ါလို့ဖတ်ရပါသည်ဘုရား။ ယင်းကဲ့သို့ အဆင့်ဆင့် သုတေသနပြုလိုက်သောအခါ မဟာယန်ဂိုဏ်းမှ စကားတစ်လုံးလည်း မတွေ့ပါဘုရား။
မဟာတိုင်းစန္ဒြားမင်းကြီး၏ ဤကျောက်စာအောက်ဘက်တွင် “ယက္ခ မဟာသေနာပတိ မဟာတော” ဟုရေးသားထားပါသည်။ ဦးစံသာအောင်၏ အင်္ဂလိပ်ဘာသာဖြင့် ရေးသားထားသည့်စာအုပ်တွင် ဤအကြောင်းကို ရေးသားထားသည်ကို တွေ့ရပါသည်။ ဤကဲ့သို့ ထေရ၀ါဒ ဗုဒ္ဓဘာသာ၏ ပိဋကတ်တော်လာ ပါဠိတော်စကားကို တွေ့ရပါသဖြင့် ရခိုင်တို့တွင်မှာ ထိုအချိန်ကတည်းကပင် ပိဋကတ် အစစ်အမှန်ရှိကြောင်းကို တွေ့ရပါသည်ဘုရား။ အဘယ့်ကြောင့်ဆိုသော် အရှင် ဘုရားတို့ နှစ်စဉ်နှစ်တိုင်း ဟောကြားနေသည့် တရားများထဲတွင် ဤတရားပါပါသည် ဘုရား။
ယနေ့မြန်မာနိုင်ငံတော်၌ နယုန်လပြည့်နေ့ကို မဟာသမယနေ့၊ ၀ါဆိုလတွင် ဓမ္မစင်္ကြာနေ့၊ ၀ါကျွတ်လတွင် အဘိဓမ္မာနေ့ အဖြစ်သတ်မှတ်ပြီး နှစ်စဉ်ကျင်းပနေကြပါသည်။ ယက္ခသေနာပတိ မဟာပဏာတောဆိုသည့် ပါဠိသည် မဟာသမယသုတ္တန်တော်တွင် နတ်များကို ဖေါ်ကျူးထားသည်ဟု အတိအလင်းပါရှိပါသည် ဘုရား။ မဟာသမယနေ့၌ မြတ်စွာဘုရား ကိုယ်တော်တိုင်ဟောကြားခဲ့သော မဟာသမယသုတ္တန်ကု ရေဒီယိုမှ ကြားနာနေရပါသည်ဘုရား။ ထိုမဟာသမယသုတ္တန်ထဲ၌ နတ်များ၏အမည်ကို ဖေါ်ကျူးထားသော စကားများစွာရှိပါသည်ဘုရား။
“ပနာဒေါ - သပမညောစ၊ ဒေ၀သူတောစ မာတလိ” ဟူသော ဂါထာနှင့် တွေ့ရပါသည်ဘုရား။ ထိုနတ်များထဲ၌ ပနာဒေါနတ်မင်းကို ဖော်ကျူးထားသော ဂါထာတော်မှာ အပိုဒ်-၂၂ တွင်တွေ့ရှိနိုင်ပါသည်ဘုရား။ ဤမဟာသမယသုတ္တန် တော်မှာ ထေရ၀ါဒ ဗုဒ္ဓဘာသာဝင်တို့၏ ပိဋကတ်တော်လာ သုတ္တန်ဖြစ်ပါသည် ဘုရား။ မြတ်စွာဘုရားသခင် ဟောကြားတော်မူသော ထေရ၀ါဒအစစ်မှလာသည့် မဟာသမယသုတ္တန်ဖြစ်သည့်အတွက် ပါဠိတော် အဋ္ဌကထာအစရှိသော ပိဋကတ်သုံးပုံ၌ လည်း ရခိုင်၌မဟာယာနမရှိကြောင်း ထင်ရှားနေခြင်းကို ပြန်လည်ဖြေကြားပါသည် ဘုရား။

ထေရ၀ါဒကို ယုံကြည်သောမင်းများ

နောက်တချက်မှာ ဝေသာလီခေတ်တွင် အုပ်စိုးခဲ့ကြသော မင်းများဖြစ်ကြသည့် နိတိစန္ဒြား၊ ၀ီရစန္ဒြား အစရှိသောမင်းများသည် သူတို့ကုသိုလ်ပြုတည်ထားခဲ့သော စေတီများတွင် “ယေဓမ္မာ” ဂါထာတော်ကို ရေးထိုးထားသည့် ကျောက်တုံးများ၊ စတူပါများကို ဋ္ဌပနာတည်ထားခဲ့ကြပါသည်ဘုရား။ ထိုကျောက်တုံးနှင့် စတူပါများ၌ ရေးထိုးထားသောစာများကို ယခုမြောက်ဦးပြတိုက်တွင် သိမ်းဆည်းထားရှိပါသည်ဘုရား၊ တပည့်တော် အထက်ကတင်ပြခဲ့ သည့်အတိုင်း ဗုဒ္ဓတရားတော်၏ အဆီအနှစ်ဖြစ်ကြသော နိဗ္ဗာန်ကို လက်ခံယုံကြည်သည့်အတိုင်း ထေရ၀ါဒသာသနာကို လက်ခံယုံကြည်သောမင်းများဖြစ်ကြ ဤယေဓမ္မာဂါထာတော်ကို ဝေသာလီမင်းများ အသုံးပြုနေကြခြင်းပင်ဖြစ်ပါသည် အရှင်ဘုရား။ ယင်းကြောင့် မဟာသူရိယတိုင်း စန္ဒြားမင်းမှစ၍ (ဝေသာလီခေတ် အေဒီ (၄) ရာစု) စန္ဒြားမင်းအဆက်ဆက်တို့ ယုံကြည်ကိုးကွယ်ခဲ့ကြသော သာသနာမှာမဟာယနသာသနာ မဟုတ်ဘဲ စစ်မှန်သောထေရ၀ါဒ သာသနာတော်ဖြစ်ကြောင်းမှတ်ယူရပါမည်ဘုရား။

သီဟိုဠ် (သီရိလင်္ကာ)နှင့် ၀ါဒချင်းတူ

တပည့်တော် ပထမချပြခဲ့သော ဥပတဿနှင့် ကောလိတကြောင်းတွင် အရှင် အဿဇိမထေရ် ဟောကြားခဲ့သော ‘ယေဓ္မ’ ဂါထာတော်သည် ဝေသာလီသို့ ရောက်ရှိခဲ့ပါသည်။ ယင်းပြီးနောက် ဝေသာလီမင်းများသည် သီဟိုဠ် (သီရိလင်္ကာ)နှင့် သာသနာရေးကိစ္စများကို အပြန်အလှန်သွားရောက် ဆောင်ရွက်ကြောင်းနှင့် အာနန္ဒစန္ဒြားမင်းကြီးသည် သီဟိုဠ် (သီရိလင်္ကာ) သို့အလှူပစ္စည်းများ ပို့သည်ဟု ကျောက်စာတွင် တွေ့ရှိရပါသည်။ သီဟိုဠ်သာသနာမှာ ထေရ၀ါဒဖြစ်၍ တပည့်တော်တို့ ဝေသာလီတွင်လည်း ထေရ၀ါဒသာသနာထွန်းကားကြောင်း သိနိုင်ပါသည် ဘုရား။ ထို့ကြောင့် တပည့်တော်တို့ ရခိုင်ပြည်သာသနာသည် မဟာယန်ဂိုဏ်းမှဆင်သက်လာသော မဟာယန်ဂိုဏ်း မဟုတ်ပဲ ဓည၀တီခေတ် ဘုရားကိုယ်တော်တိုင် ကြွရောက်ခဲ့စဉ်ကစပြီး ဖြစ်ပေါ်ဆင်းသက်လာသော ထေရ၀ါဒဗုဒ္ဓဘာသာဖြစ်ကြောင်း တပည့်တော် လျှောက်ထားအပ်ပါသည် ဘုရား။

သမိုင်းရုပ်ကြွင်းက သက်သေခံ

ယင်းကဲ့သို့ ကျောက်စာ၊ ကျောက်ရုပ်၊ ပေစာများ အတိအလင်းရှိသော်လည်း ယခုခေတ်ရိုက်နှိပ်သော ပုံနှိပ်စာအုပ်တွင် မပါ၍ မယုံ၊ မှားယွင်းသည် ဆိုလျှင်လည်း မတတ်နိုင်ပါဘုရား။ တပည့်တော်တို့မှာ သမိုင်းရုပ်ကြွင်းဖြစ်သော ကျောက်စာ၊ ကြေးပြား၊ ရွှေပြားစာ၊ ငွေပြားစာတို့ကသာ သက်သေခံနေပါသဖြင့် ယင်းစာများကမှားပြီး ယခုပုံနှိပ်တိုက်မှ ရိုက်နှိပ်သော စက္ကူတွင် ရေးသားထားသည့်စာကသာ မှန်သည်ဟုဆိုလျှင်လည်း တပည့်တော်တို့ ပြောစရာမလိုတော့ပါဘုရား။ ထို့ကြောင့် တပည့်တော်တို့မှာ ပါဠိတော်အဋ္ဌကထာမှာ ပါရန်လိုအပ်မည် မထင်ပါဘုရား။ သက်သေခံသမိုင်းရုပ်ကြွင်း အထောက်အထားက ခိုင်မာနေပါပြီဘုရား။
ဟုတ်မဟုတ်ကိုလည်း တပည့်တော်အား ပြန်မေးမြန်းပါဘုရား။ မမေးလျှင် တပည့်တော်က မှန်သည် လက်ခံသည်ဟု ယူဆရပါမည်ဘုရား။ မဟာယန်ဂိုဏ်းဟု စွပ်စွဲချက်ကို ယေဒမ္မာတပုဒ်တည်း ဆင်းသက်ပုံခြေရာကောက်နည်း သုတေသနပြုလုပ်ပုံဖြင့် ရခိုင်ပြည်သာသနာသည် မဟာယန်ဂိုဏ်းမှ ဆင်းသက်လာသော မဟာယာနသာသနာမဟုတ်ပဲ ထေရ၀ါဒဗုဒ္ဓသာသနာမှ ဆင်းသက်လာသော သာသနာဖြစ်ကြောင်းနှင့် မေးခွန်း (၁)ကို ဖြေကြားအပ်ပါသည်ဘုရား။

မေးခွန်း (၂)

ဗုဒ္ဓ၏ ပါဠိတော် အဋ္ဌကထာနှင့် သင်္ဂါယနာခြောက်တန်စသည်တို့တွင် မပါရှိပဲ ရခိုင်ပြည်သို့ မြတ်စွာဘုရား ကြွရောက်လာခဲ့သည်ဟု ရခိုင်ပြည်တွင် ရေးသားပြောဆိုနေကြသည်မှာ ဘုရားဟောတရားတော်နှင့် မကိုက်ညီပါ။ဤအကြောင်းကို ဖြေရှင်းပေးပါ။

မေးခွန်း (၃)

ဗုဒ္ဓ၏ ပါဠိတော် အဋ္ဌကထာစသည်တို့၌ မပါရှိပဲ မြတ်စွာဘုရားသည် စန္ဒာသူရိယမင်းကြီးနှင့်တွေ့ဆုံပြီး မဟာမြတ်မုနိဘုရားကို သွန်းလုပ်ခဲ့ပါသည်ဟု ရေးသားပြောဆိုကြသည်။ ဤအကြောင်းကိုလည်း ဖြေရှင်းပေးပါ။

အရှင်ဘုရား၏ မေးခွန်း (၂) နှင့် (၃) ကိုတပေါင်းတည်း ဖြေကြားလိုပါသည်။ မေးခွန်းများမှာ တသဘောတည်း ဖြစ်နေခြင်းကြောင့်ပါ ဘုရား။ တပည့်တော်သည် ရခိုင်ပြည်သို့ ဗုဒ္ဓသာသနာရောက်လာပုံ မေးခွန်းအပေါ် အသေးစိတ် ရှင်းလင်းထားပြီးဖြစ်ပါသည် ဘုရား။ နောက်ထပ်လျှောက်ထားပါမည် ဘုရား။ တပည့်တော်တို့ ရခိုင်ပြည်တွင် ယခုကိုးကွယ်နေသော ဗုဒ္ဓသာသနာမှာ မြောက်ဦးခေတ်ဘုရင်များ အုပ်စိုးခဲ့သောကာလမှ ဆက်ခံယူခဲ့သော ဗုဒ္ဓအယူဝါဒ ဖြစ်ပါသည် ဘုရား။

 မြောက်ဦးခေတ်မတိုင်မှီ လောင်းကြက်မြို့ရှိပါသည်။ ထိုမြို့ကို အုပ်စိုးခဲ့ကြသော ဘုရင်များမှာလည်း ဗုဒ္ဓဘာသာမင်းများဖြစ်ပါ၍ သာသနိကအဆောက်အဦးများစွာ တည်ဆောက်ခဲ့ကြပါသည်။ ရဟန်းပညာရှိများ ထွန်းကားခဲ့ကြပါသည်။ဤလောင်းကြက်ဘုရင်များသည် ဗုဒ္ဓဘာသာကို နေရဉ္ဇမြို့တွင် အုပ်စိုးခဲ့သောဘုရင်များထံမှတဆင့် လက်ခံယူခဲ့ခြင်းဖြစ်ပါသည်။ နေရဉ္ဇရာမြို့တွင် ထွန်းကားခဲ့သော ဗုဒ္ဓဘာသာမှာ ပုရိန်မြို့မှဆင်းသက်လာသော ဗုဒ္ဓဘာသာဖြစ်ပါသည်။ ပုရိန်မြို့တွင် အုပ်စိုးခဲ့သော  ဘုရင်များသည် ပဉ္စာမြို့မှ ဗုဒ္ဓသာသနာကို တဆင့်လက်ခံယူခဲ့ကြပါသည်။ ပဉ္စမြို့ဗုဒ္ဓသာသနာမှာလည်း ဝေသာလီမြို့မှ ဆင်းသက်လာခြင်းဖြစ်ပါသည်။ ဝေသာလီမြို့ကို တည်ဆောက်ခဲ့သော မဟာတိုင်းစန္ဒြားမင်းကြီးသည် မဟာမုနိဘုရားတွင် ကုသိုလ်ကောင်းမှုပြုခဲ့ပါသည်။ သိမ်တော်နှင့် ပလ္လင်တော်များကို အသစ်တဖန်တည်ဆောက်ခဲ့ကြောင်း သမိုင်းမှတ်တမ်းများ၌ တွေ့ရပါသည်။

တပည့်တော်ရှေ့က လျှောက်ထားခဲ့သည့်အတိုင်း ထိုမင်းကြီးကုသိုလ်ကောင်းမှုပြုခဲ့သည်ကို မဟာမုနိဘုရားကုန်းတော် ဒုတိယအဆင့် အရှေ့မြောက်ဘက်ရှိ “ယက္ခသေနာပတိပနာဒ” ရုပ်ထုတွင် ရေးထိုးခဲ့ပါသည်။

အမှန်ရှိခဲ့သော မြို့တော်

 ဤကဲ့သို့ မဟာတိုင်းစန္ဒြားမင်းသည် မဟာမုနိသိမ်တော်ကို အသစ်တဖန်ပြန်လည်တည်ဆောက်ခဲ့သည်ဟု ဆိုသဖြင့် မဟာတိုင်းစန္ဒြားမင်းကြီး မတိုင်မှီကပင် သိမ်တော်အဟောင်းနှင့် မဟာမုနိရုပ်ရှင်တော်မြတ်ကြီးမှာ ရှိနှင့်နေပြီး ဖြစ်ကြောင်းသိရပါသည်း။ ယင်းသို့ဖြစ်လျှင် ဝေသာလီခေတ်မတိုင်မှီ မည်သည့်ခေတ်ရှိသည်ကို ခြေရာကောက်အတိုင်းလိုက်လျှင် ဓည၀တီမြို့တော်မှာ စိတ်ကူးယဉ်ပြီး ရေးသားခဲ့သော မြို့တော်မဟုတ်ကြောင်း လေယဉ်ပေါ်မှ ရိုက်ကူးထားသောဓါတ်ပုံကို ကြည့်ခြင်းအားဖြင့် သိရှိနိုင်ပါသည် ဘုရား။ အမှတ်တကယ်ရှိခဲ့သော မြို့ဖြစ်ကြောင်း ပြည်တွင်း၊ ပြည်ပ ပညာရှင်များ ယုံကြည်လက်ခံထားကြပါသည် ဘုရား။

သမ္ပဒါပကာရဏကျမ်းမှာရှိ

တပည့်တော်တို့ သမိုင်းများတွင်လည်း တတိယဓည၀တီခေတ်မြို့တော်ကို စန္ဒာသူရိယမင်းကြီး တည်ခဲ့ကြောင်း ဖတ်ရှုရပါသည်။ ဤစန္ဒာသူရိယဘုရင် ဓည၀တီ၌ အုပ်စိုးစဉ်ကာလမှာ မြတ်စွာဘုရားရှင် အနောက်မဇ္ဖျိမဒေသ၌ ရှိနေချိန် ဖြစ်ပါသည်။ တပည့်တော်လက်ထဲတွင်ရှိနေသော ‘သမ္ပဒါနပကာရဏကျမ်း’ တွင် စန္ဒာသူရိယမင်းကြီးလက်ထက် ဘုရားရှင်ကိုယ်တော်တိုင် ကြွရောက်လာပြီး မဟာမုနိရုပ်ရှင်တော်ကို သွန်းလုပ်ခဲ့ကြောင်း အသေးစိတ်မှတ်ထားပါသည်။

ကျောက်စာက သက်သေခံ

၎င်းအပြင် တောင်ပေါက်ကြီးကျောက်စာကလည်း သက်သေခံနေပါသည်ဘုရား။ မြတ်စွာဘုရားသည် စန္ဒာသူရိယမင်းကြီးအား  ဓမ္မစင်္ကြာတရားတော်နှင့် ရုပ်ထု၊ ဆင်းတုတော်များကို တည်ထားကိုးကွယ်ခြင်းဖြင့် ရရှိအပ်သော အကျိုးတရားများကို ‘သတ္တုဗိမ္ဗပူဇာနိယနိသေသသုတ္တန်’ ဟူ၍ မူရင်းပေစာလည်းရှိပါသေးသည် ဘုရား။

ဂုဏ်ပြုထားသည့်ရုပ်တု

 စန္ဒာသူရိယမင်းကြီးအား မြတ်စွာဘုရား ဓမ္မစင်္ကြာတရားဟောကြားနေဟန် ထုလုပ်ထားသော ကျောက်ပြားတစ်ချပ်ကိုလည်း တွေ့ရှိရပါသည်။ ဝေသာလီမဟာတိုင်းစန္ဒြားမင်းကြီးက စန္ဒာသူရိယမင်းကြီးအား ဂုဏ်ပြုထုလုပ်ထားသော ရုပ်တုဖြစ်ဟန်ရှိပါသည်။

မြတ်စွာဘုရားရှင်သည် ရခိုင်ပြည်ဓည၀တီသို့ကြွရောက်ခဲ့စဉ်က သေလာဂီရိတောင်ပေါ်၌ ရပ်တန့်ခဲ့ပြီး ဗျာဒိတ်ချမှတ်ခဲ့ကြောင်း ‘သမ္ပဒါနပကာရဏကျမ်း’ တွင် အသေအချာ ဖော်ပြထာူးပါသည်။ “ချစ်သားအာနန္ဒာ ငါသည်ဘုရား ဖြစ်ရန်အတွက် ဆယ်ပါးသော ပါရမီတော်ကြီးနှင့် သုံးဆယ်သောပါရမီတော်ငယ်များကို ဖြည့်ဆည်းသောကာလ၌ ဤဓည၀တီပြည်တွင် အလီလီလူအဖြစ် ကျင်လည်ခဲ့ဖူးပါသည်။ ယခုငါရပ်တန့်နေသော သေလာဂီရိတောင်၏ အနီးပတ်ဝန်းကျင်တွင် ပန်းပွတ်သများအဖြစ်နှင့် ငါနေထိုင်ခဲ့သည်။ ငါပရိနိဗ္ဗာန်စံလွန်ပြီးနောက် ကာလ၌ ငါ၏ကျောရိုးတော်ဓါတ်ကို ဋ္ဌပနာ၍ စေတီတည်လတ္တံ။ ကျောရိုးတော်ဓါတ်စေတီဟု တွင်လတ္တံ’ ဟု ဗျာဒိတ်ပေးထားခဲ့ပါသည်။ ထိုဓါတ်တော်ကို နောက်ကာလတွင် ကျောက်တော်ဓါတ်စေတီဟု ခေါ်တွင်ခဲ့ပါသည်။ ထိုအမည်ကို အစွဲပြု၍ မြစ်တဘက်ရှိမြို့ကိုလည်း ကျောက်တော်မြို့ဟုခေါ်တွင်ခဲ့ပါသည်။

ရုပ်ရှင်တော် သွန်းလုပ်ကြောင်း ယုံကြည်

 ဤကဲ့သို့ ဘုရားဗျာဒိတ်ဝင်ဓါတ်တော်စေတီ (၂၄၈) ဆူရှိခဲ့ပါသည်။ ဤဓါတ်တော်စောတီများကို ဝေသာလီပြည့်ရှင် မဟာတိုင်းစန္ဒြားမင်းကြီးသည် ပြန်လည်ပြုပြင်ခဲ့ကြောင်း သမိုင်းမှတ်တမ်းများအရ သိရှိရပါသည်။ ဤအကြောင်းကို ထောက်ရှု၍လည်း ထိုဓါတ်တော်စေတီများမှာ ဝေသာလီခေတ်မတိုင်မှီကပင် ရှိနှင့်ခဲ့ပြီဖြစ်ကြောင်း သိရှိနိုင်ပါသည်။ ရခိုင်သမိုင်းစာပေ အထောက်အထားအရလည်းကောင်း၊ ရုပ်ဝတ္ထုသက်သေဖြင့်လည်းကောင်း ကိုက်ညီနေပါ၍ စန္ဒသူရိယမင်းကြီးလက်ထက် မြတ်စွာဘုရားရှင် ဓည၀တီသို့ကြွရောက်ပြီး မဟာမုနိရုပ်ရှင်တော်ကို သွန်းလုပ်ခဲ့ကြောင်း ယုံကြည်ပါသည်။

မန္တလေးမဟာမုနိဘယ်ကရ

နောက်တစ်ချက်က ဆရာတော်တို့ မန္တလေးမြို့တွင်ရှိနေသော မဟာမုနိဘုရားကြီးကို ဘယ်ကရယူခဲ့ပါသလဲ ဘုရား။ ဤမဟာမုနိဘုရားကို ဘိုးတော်ဘုရား၏သားတော် ဥပရာဇာသည် ရခိုင်ပြည်ကပင့်ယူခဲ့ခြင်း မဟုတ်ပါလား ဘုရား။ ဤဘုရားကြီးသမိုင်းမှာလည်း ရခိုင်ပြည်ဓည၀တီပြည့်ရှင် စန္ဒသူရိယမင်းသွန်းလုပ်ခဲ့ကြောင်းကို သမိုင်းစာပေအစောင်စောင်၌ တညီတညွတ်တည်း ဖော်ပြထားကြပါသည်ဘုရား။ မြတ်စွာဘုရားကိုယ်တော်တိုင် ရခိုင်ပြည်သို့ ကြွရောက်ခဲ့၍ သေလာဂီရိတောင်ပေါ်၌ တထောက်ရပ်တန့်ခဲ့ပြီး စန္ဒသူရိယမင်းကြီးလျှောက်ထားသဖြင့် နန်းတော်သို့ ကြွရောက်သီတင်းသုံးပြီး မဟာမုနိရုပ်ရှင်တော်ကိုသွန်းလုပ်ခဲ့သည်မှာ မှန်ကန်ကြောင်း ဖြေကြားလိုပါသည် ဘုရား။

မေးခွန်း နံပါတ် (၄)

သင်္ဂါယနာခြောက်တန်၌ မပါဘဲ ရခိုင်ပြည် ဝေသာလီရွှေတောင်ကြီး၌ စတုတ္ထသင်္ဂါယနာကို တင်ခဲ့သည်ဟု ရေးသားပြောဆိုကြသည်။ ဤအကြောင်းကိုလည်း ဖြေရှင်းပေးပါ။

ဤမေးခွန်းနှင့်ပတ်သက်၍ တပည့်တော်အရှည်ဖြေကြားရမည် ဖြစ်ပါသည်ဘုရား။ ဘုရားပရိနိဗ္ဗာန်စံလွန်ပြီး မကြာမှီကာလတွင် အဇာတသတ်မင်းကြီးသည် ပထမအကြိမ်သင်္ဂါယနာတင်ခဲ့ပါသည် ဘုရား။ တင်ရသော အကြောင်းအရင်း၊ တင်ခဲ့သော နေရာနှင့် တိုင်းပြည်၊ တင်ရာ၌ အားပေးအားမြှောက်ပေးသောဘုရင်၊ တင်ရာ၌ ပါဝင်သောရဟန္တာများ၊ ဦးဆောင်သော ရဟန္တာ၊ ရည်ညွှန်းသောဂါထာပုဒ်၊ ပါဠိစသည်အားဖြင့် အင်္ဂါဆယ်တန်နှင့် ညီအောင်တင်ခဲ့ကြောင်း ဖတ်ရှုရပါသည်။

ပဉ္စမသင်္ဂါယနာ

တပည့်တော်တို့ရခိုင်ပြည်ဖက်မှ စာပေတို့မှာ သင်္ဂါယနာအကြောင်းနှင့်ပတ်သက်၍ သင်္ဂါယနာကြီး၊ သင်္ဂါယနာချေ (ငယ်) ဟူ၍နှစ်မျိုး၊နှစ်စား တွေ့ရှိရပါသည်။ သင်္ဂါယနာကြီးများကို နံပါတ်စဉ်အတိုင်းရေတွက်ပြီးလျှင် သင်္ဂါယနာငယ်များကိုတော့ မိမိတို့၏ တိုင်းပြည်များအတွင်း၌ နံပါတ်စဉ်တပ်ထားခဲ့ကြပါသည်။ လေးမြို့ခေတ်ပဉ္စာမြို့၌ ဘုရင်မင်းရင်ဖြူသည် ဧကဒသမမြောက် သင်္ဂါယနာကိုတင်ခဲ့သည်ဟူ၍ ရေးသားထားချက်ကိုတွေ့ရပြီးလျှင် ပဉ္စမမြောက်သင်္ဂါယနာကိုလည်း တင်၏ဟုလည်း ရေးသားထားပါသည်။ ဘုရင်တစ်ပါးတည်း သင်္ဂါယနာ နှစ်ကြိမ်တင်ကြောင်း သိရှိရပါသည်။ ဤသို့ဖြစ်လျှင် မင်းရင်ဖြူသည် သင်္ဂါယနာကြီးကို ပဉ္စမအကြိမ်တင်ပြီးလျှင် သင်္ဂါယနာငယ်ကို တစ်ဆယ့်တကြိမ်တင်မည်ဟု မှတ်သားရပါသည်ဘုရား။

သမိုင်းမှာတွေ့

တပည့်တော်တို့ သင်္ဂါယနာတင်ခြင်းဆိုင်ရာ ရခိုင်ပြည်သို့စီးဆင်းလာသော ရေစီးကြောင်းကိုသာ လျှောက်ထားပါသည်ဘုရား။ တပည့်တော်ရှေ့က လျှောက်ထားခဲ့သည့်အတိုင်း တပည့်တော်တို့ ရခိုင်ပြည်တွင် မိမိတို့၏ သာသနာဆိုင်ရာ ဆင်းသက်လာပုံသည်လည်းကောင်း၊ မိမိလူမျိုးတို့ ဆင်းသက်လာပုံကိုလည်းကောင်း၊ မြို့ပြအုပ်ချုပ်ချုပ်ရေး ဘုရင်မင်းဆက်များ စဉ်ဆက်ဆင်းသက်လာပုံကိုလည်းကောင်း သီးခြားတွေ့ရှိရပါသည်။ ဤအကြောင်းများကို မိမိတို့၏ သမိုင်းမှတ်တမ်းများမှာသာ တွေ့ရှိရမည်ဖြစ်ပါသည်ဘုရား။၏

ပထမသင်္ဂါယနာတင်

မြတ်စွာဘုရားပရိနိဗ္ဗာန်စံလွန်ပြီးနောက် မကြာမှီကာလတွင် ပထမအကြိမ်သံင်္ဂါယနာကို ရာဇဂြိုလ်၌ ကျင်းပပြုလုပ်ခဲ့ကြပါသည်။

E Type Africa 3GP MP4 FLV Download

E Type Africa 3GP MP4 FLV Download

Fish

Fish